黑色欄杆就係 Bradley Streeter 跌落去嘅位置

達爾文獎官方網站介紹呢個獎項:「為了紀念進化之父查爾斯·達爾文 (Charles Darwin),達爾文獎 (Darwin Awards) 旨在紀念那些通過以最壯觀的方式,將自己從基因庫中剔除而改善我們的基因庫的人。」

2020年「達爾文獎」得主有兩位,除了日本網台主播 Tedzu,無裝備下攀登富士山跌死獲獎之外,仲有呢位澳洲20歲男子 Bradley Streeter。

Bradley Streeter

澳洲城市芒特甘比爾 (Mount Gambier) 有個「花園洞穴」(Cave Gardens Sinkhole)。洞穴屬大自然景觀,洞穴淡水曾經供應全市食用。因為呢度具有歷史意義,而且風景優美,所以成為國家級自然遺產,係旅遊名勝。

2020年2月,澳洲男子 Bradley Streeter,凌晨12點同朋友倚住欄杆欣賞洞穴期間,突然雙手壓住欄杆話要做倒立。點知一時錯手,跌落深30米嘅淡水洞穴,消防員搜索至凌晨3點,先搵到佢嘅屍體。

當地市長話,呢個景點嘅位置絕對唔危險,咁多年亦無發生意外,所以對於 Bradley 嘅意外感到遺憾之餘,亦覺得有啲驚奇。

「達爾文獎」評委會,就向 Bradley 頒發「A Slack-Robatic Effort」大獎。

圖: 網上圖片

呢件事,不其然令人諗起飛鵝山瑜伽男女,如果佢哋跌咗落山,唔知會唔會得到達爾文獎呢?

資料: ABC NewsDarwin Awards

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。