Fitz > 新聞 News > 大埔東昌街游泳池啟用: 泳池擠逼,設施有待改善

圖: 何偉霖網上工作室
大埔東昌街體育館8月15日開幕,游泳池亦於22日啟用。有大埔街坊第一時間到泳池「開箱」,發覺「新屎坑並唔係三日香」。縱合大埔街坊於網上留言,以及區議員何偉霖嘅報告,新泳池有幾方面需要盡快改善:

locker 鎖匙容易損壞

圖: 大埔人大埔谷

有街坊將儲物櫃鎖匙拎上手,就已經發現鎖匙「自行分離」,相當嚇人,好彩仲有其他儲物櫃用得。

泳池只有冷水,室內場館「冷氣開放」

泳池標榜為大埔區唯一嘅室內暖水池,不過8月22日啟用當日,未有暖水供應,要到11月先會將供水轉為暖水 (其實同所有康文署泳池安排一樣)。而且有街坊投訴,話室內場館「冷氣開放」,所以上水時,甚至喺泳池游水時,都感到相當寒冷。

區議員何偉霖指,已向署方了解過,場館並無開放冷氣,只有通風系統。估計因為通風系統太大風,令泳客感到寒冷。議員話會要求署方改善通風系統,以及引入更多陽光令室內場館維持溫暖。

圖: 大埔人大埔谷

淋浴間去水堵塞

淋浴間去水位有堵塞情況,估計係裝修後無清理渠內垃圾。而且沖涼花曬水壓不足。

泳池太擠逼

開放當日只開放主池,另一個練習池沒有開放。而主池只有25米 x 25米 (應為訓練池),最深只有1.4米,人多時候相當擠逼,太淺亦令使用者不感痛快。

區議員何偉霖: 游泳池共有一個 25米 x 25米的訓練池,一個 25米 x 10米的習泳池,以及一個按摩池。不過8月22日開放當日,康文署未能調動足夠的救生員開工,令訓練池以外,兩個泳池都要關閉。


文章為作者意見,不代表Fitz立場。
歡迎投稿: http://fitz.hk/contribute/