台灣登山圈呢幾日流傳一個熱門話題，就係由上面呢隻恐龍公仔開始。話說有登山客去到位於南投嘅奇萊南峰登山，不過就唔小心，將陪佢一齊上山下海嘅玩具恐龍漏低喺山頂。登山客喺群組發佈尋物啟示後，有熱心山友就專登上山幫佢搵，但同時有人將呢個玩具恐龍拎嚟拎去，成為山上打卡景點。
尋物帖子發佈幾日之後，有十幾人將自己同恐龍嘅打卡相 post 上 group，但打卡地點每次都唔同。
失物主人並唔介意大家同恐龍玩得咁開心，仲話「感謝各位山友熱烈回應，我每日都知道他的行走軌跡，小恐龍歷險記，玩得不亦樂乎啊」。最後有心人話已將恐龍仔拎返落山，會交返畀主人。
資料: 天池山莊大小事
去去，武器走！
