深圳鹽田擬推動沙頭角跨境旅遊: 郵輪遊艇自由行入印洲塘，打造深港東部生態走廊

深圳鹽田區8月發出一份名為《加快沙頭角深港國際旅遊消費合作區建設的實施方案（2022-2025年）》文件，提出要加速深港融合，計劃以沙頭角為中心，發展成一個全國性旅遊區。旅遊區總面積約26平方公里，每年可增加1000萬旅客。

對香港人嚟講，深圳一方要發展鹽田港、大小梅沙、東部華僑城呢部份並唔係最重要，重點係以下呢幾個項目都同香港有關:

1. 「跨境綠道遊」: 連結深圳梧桐山、三洲田與香港八仙嶺等郊野地帶，發展成「深港東部生態走廊」
2. 「大鵬灣/印洲塘生態康樂旅遊圈」、「跨境海島遊」: 推行郵輪遊艇自由行，開放大鵬灣、印洲塘海域作公眾旅遊
3. 中英街兩側實行「團進團出」跨境旅遊管理制度
4. 研究開設「鹽田至香港」海上客運航線
5. 深圳地鐵8號線、18號線西延線，將預留與香港鐵路接駁的位置，可望與香港北部都會區連接

香港人疑慮

作為香港市民，頭頂充滿問號:

1. 香港郊野公園受法例保護，八仙嶺屬郊野公園範圍 (北區紅花嶺即將開放為郊野公園)，要將呢啲地帶發展深港旅遊區，會唔會違反郊野公園設立嘅原意? 減少香港市民享受郊野嘅機會?
2. 印洲塘海域係海岸公園保護區，受高度保育。開放「遊艇自由行」，會唔會造成生態災難?

對於深圳呢個計劃，暫時未見港府有任何回應，希望港府可以尊重市民意願，作出適當嘅決定。

資料: 明報