香港世界桌球大師賽 | 奧蘇利雲嚟到香港都要跑

出晒名鍾意跑步嘅火箭奧蘇利雲，嚟到香港參加「香港桌球大師賽」，都要上山跑返10K!

根據奧蘇利雲嘅Strava紀錄顯示Strava紀錄顯示，佢喺星期四10月6日下晝，去到港島渣甸山、紅香爐峰一帶跑咗大約一小時，期間仲同同行朋友打咗唔少卡添。

現年46歲嘅奧蘇利雲，係現時世界第一嘅桌球手，曾經七次贏得世界冠軍。火箭接受訪問時講過，跑步係熱愛嘅運動，10公里最快可以34分左右完成。喺今次Strava嘅帖文入面，佢亦話自己盡量keep住跑步習慣，因為佢可以忘卻自我，從而更加享受，跑得更快。

睇到奧蘇利雲跑得咁開心，你又有無腳痕上去跑返轉? 相信火箭都會同意，香港真係好靚!