圖: KA Secrets Facebook 專頁

山竹蹂躝香港,街道做成咩破壞,大家出入有幾唔方便,相信亦唔使再多介紹。至於行山、跑步路線有咩破壞,我哋希望用僅有力量盡快將現實情況向大家發報。希望大家在出行跑步或行山,可以注意安全,事事小心。

風災過後,第一時間我哋聯絡各間餐廳士多。我哋分別搵過大浪西灣、鹹田灣、樟上、大帽山等地方嘅店舖。結果係,相信佢哋大多數出咗去市區避風,所以只能聯絡上樟上許林士多,以及大帽山蓮姐。

樟上許林與大帽山蓮姐: 一切安好

我哋透過電話,聯絡上樟上許林士多嘅許先生,佢話打風之前佢已經出咗市區避風,暫時仲未知山上情況。星期二 (9月18日) 先返上山,再跟大家講講上面咩環境。我哋聽到佢人無事,亦已經安心。

至於蓮姐透過 Facebook PM 向大家留了八個字:「多謝關心,蓮姐安全。」其後佢喺大帽山茶水亭發帖,留言話:「蓮姐因為擔心茶水亭會因颱風影響受損,星期六開始已經留守在內。幸好風向未有正面從捲閘方向吹入,未有造成水浸情況,但在星期日早上十點後就開始停電至今。附近燒烤場亦有塌樹情況。」

在此希望茶水亭可以快快復元,蓮姐唔使喺山上摸黑生活。

圖: 大帽山茶水亭 Facebook 專頁

跑步行山路徑情況

我哋憑住讀者提供嘅消息,以及網上流傳嘅相片,整理幾個發生重大破壞的地方。

寶雲道

冧樹 圖: Tony Tang @長跑長友 Facebook 群組

大埔

河堤崩毁 圖: 陳家豪 Facebook

將軍澳海濱公園

麥理浩徑第五段

沙田坳道入口 圖片由讀者 Ego 提供

大嶼山

西貢

白沙灣碼頭

石澳

石澳後灘
浮台吹上沙灘
著名的藍色情人橋不見了。 下圖為藍色橋原貌。

Fitz 連結: https://fitz.hk/?p=103238

首頁 > 運動 Sports > [災後自救手冊] 跑步及行山路徑 風暴後情況