[里約奧運] 台灣羽毛球天后唔著YY受罰 1古語有云:人情冷暖,世態炎涼。台灣奧運羽毛球代表戴資穎,喺今屆奧運連贏兩場,成功進入16強,晉身台灣天后。不過,佢喺出局之後,竟然立即遭到國內羽毛球總會警告。

台灣嘅羽毛球協會,喺戴資穎16強被印度球手淘汰之後,發出聲明,話戴資穎喺比賽期間,無著到總會嘅贊助商Yonex嘅球鞋,有受到懲戒嘅可能。

不過,戴資穎隨即喺Facebook反駁,話贊助商提供嘅球鞋,又唔係一早畀佢哋,而且呎碼根本唔啱佢著,甚至「到腳底破皮流血、起水泡」!

睇到戴資穎咁講,相信大家都明白佢點解咁嬲,諷刺嘅係,台灣又唔係部份非洲國家咁無錢添置裝備,而家喺有贊助之下,運動員竟然都要著「唔啱」嘅裝備去出賽,倒頭來影響返成績,其實又有乜謂?早前台灣網球一姐謝淑薇,話受盡官方嘅「委屈」,退出奧運,甚至退出網球壇。而家又有羽毛球總會同球手嘅爭拗。台灣嘅體育組織,應該要諗辦法同運動員修補一下大家嘅關係。

呢場16強賽事,明顯見到戴資穎呢對唔係YY。
呢場16強賽事,明顯見到戴資穎呢對唔係YY。

戴資穎資料:
今年22歲,被譽為台灣羽毛球新星。2011年以16歲之齡,取得台灣公開賽冠軍,為歷年最年輕冠軍。2016年,除咗取得奧運資格外,亦贏得印度公開賽,擊敗王儀涵奪冠。喺台灣公開賽,又打敗王適嫻取得錦標。在奧運前,成為台灣嘅獎牌希望。

更多:
Fitz.hk Facebook專頁
[里約奧運] 女子馬拉松 姚潔貞名列39 東亞第5
[里約奧運] 男女子馬拉松賽道大拆解
[里約奧運] 水神菲比斯 一日食12,000卡路里!

Fitz 編輯部
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。