[里約奧運] 台灣羽毛球天后 唔著YY受警告

古語有云：人情冷暖，世態炎涼。台灣奧運羽毛球代表戴資穎，喺今屆奧運連贏兩場，成功進入16強，晉身台灣天后。不過，佢喺出局之後，竟然立即遭到國內羽毛球總會警告。

台灣嘅羽毛球協會，喺戴資穎16強被印度球手淘汰之後，發出聲明，話戴資穎喺比賽期間，無著到總會嘅贊助商Yonex嘅球鞋，有受到懲戒嘅可能。

不過，戴資穎隨即喺Facebook反駁，話贊助商提供嘅球鞋，又唔係一早畀佢哋，而且呎碼根本唔啱佢著，甚至「到腳底破皮流血、起水泡」！

睇到戴資穎咁講，相信大家都明白佢點解咁嬲，諷刺嘅係，台灣又唔係部份非洲國家咁無錢添置裝備，而家喺有贊助之下，運動員竟然都要著「唔啱」嘅裝備去出賽，倒頭來影響返成績，其實又有乜謂？早前台灣網球一姐謝淑薇，話受盡官方嘅「委屈」，退出奧運，甚至退出網球壇。而家又有羽毛球總會同球手嘅爭拗。台灣嘅體育組織，應該要諗辦法同運動員修補一下大家嘅關係。

戴資穎資料：
今年22歲，被譽為台灣羽毛球新星。2011年以16歲之齡，取得台灣公開賽冠軍，為歷年最年輕冠軍。2016年，除咗取得奧運資格外，亦贏得印度公開賽，擊敗王儀涵奪冠。喺台灣公開賽，又打敗王適嫻取得錦標。在奧運前，成為台灣嘅獎牌希望。

更多：
Fitz.hk Facebook專頁
[里約奧運] 女子馬拉松 姚潔貞名列39 東亞第5
[里約奧運] 男女子馬拉松賽道大拆解
[里約奧運] 水神菲比斯 一日食12,000卡路里!