[里約奧運] #撐自己人 撐本土 香港劍擊隊

眾所周知，財爺曾俊華係劍擊教練，而香港劍擊隊亦水漲船高，爭取唔少注視，而佢哋近年喺大型運動會，都得到唔錯嘅成績。好似話2014年仁川亞運，劍擊隊就為香港取得共8面獎牌，喺亞洲區嘅實力絕對不容忽視。

嚟到奧運，香港嘅實力當然同歐洲劍客比下去，香港嘅運動員唯有喺強敵之間力爭表現。

香港劍擊隊今年派出3名土生土長運動員，分別係江旻憓、連寶香，以及張家朗。

江旻憓今年22歲，參加重劍項目。兩年前嘅亞運已嶄露頭角，奪取兩面銅牌。今年3月同5月嘅劍擊世界杯，只係屈居喺歐洲劍手之下，奪得兩枚銅牌。而家江旻憓世界排名第17，係佢職業生涯以嚟最好，外界估計佢喺奧運會繼續有好表現。

連寶香今年31歲，參加女子花劍項目，先後喺2010年同2014年奧運，一共取得3面銅牌。佢為隊中經驗最豐富嘅選手，有穩定軍心作用。

張家朗今年19歲，參加男子花劍項目。張媽媽係香港女子甲組籃球員，受到佢影響，張家朗自小鍾意打籃球，之後專注劍擊時，更能發揮佢自小培養嘅運動細胞。今年4月，張家朗奪得亞洲錦標賽個人金牌。

香港劍擊隊就好似單車隊咁，為咗好成績長期要留喺大陸作艱苦訓練。希望佢哋喺奧運會有好表現，打出佢哋嘅代表作！

項目	運動員	比賽時間 (里約)	比賽時間 (香港)
劍擊 Fencing	江旻憓、連寶香，張家朗	6/8(六) ｜ 14/8(日)	6/8(六) ｜ 14/8(日)

更多：
Fitz.hk Facebook專頁
[里約奧運] #撐自己人 撐本土 香港乒乓球隊
[里約奧運] #撐自己人 滑浪風帆 鄭俊樑 盧善琳
[里約奧運] #撐自己人 游泳 歐鎧淳
[里約奧運] #撐自己人 羽毛球 伍家朗 葉姵延
[里約奧運] #撐自己人 高爾夫球 陳芷澄
[里約奧運] #撐自己人 馬拉松 姚潔貞
[里約奧運] #撐自己人 香港單車隊
[人人奧運] 丹尼爾 x 黃蘊瑤 與鐵血女車神一盅兩件
[一個傳奇的誕生] 丹尼爾 vs 陳恩能 愛做有意義的事