曹星如 (Rex) 於約旦舉行的「奧運拳擊亞洲及大洋洲區資格賽名次賽」中,以點數不敵伊朗的薩巴卡殊 (Daniyal Shahbakhsh),未能在現階段晉身奧運。Rex 仲可以喺五月於法國舉行的遺材賽,爭奪餘下四至五個奧運名額。

賽事令香港人最深刻,相信並唔係擂台上嘅廝殺,而係當裁評宣佈 Rex 落敗之後,Rex用廣東話振臂高呼: 「對唔住呀!」

Rex 賽後接受訪問,亦多次同香港人道歉。其實呢,擂台上勝敗乃兵家常事,輸咗兩場比賽,亦唔可以話有負香港人。


Rex 多次喺場裏場外都講過,佢由職業選手轉戰業餘賽,係希望代表香港參加奧運。雖然晉身奧運嘅路途困難重重,但佢每一次比賽,每打一拳,相信每位香港人都感受佢嘅熱誠。

畢竟,呢幾年香港人好少喺公開場合聽到「對唔住」,因為做錯事嘅高官鄉紳,只係識得詭辯,有錯都唔認。

星如,Rex,香港人,加油!

攝影: Lampson
IG: https://www.instagram.com/lampson/
FB: Lampson.Y Design & Photo

廣告
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。