「包山王」黎志偉原定於1月9日攀上320米高嘅荃灣如心廣場，為脊髓損傷患者籌款。不過，大會宣布因天氣關係，延期舉行。
志偉於星期五晚在網上直播中表示，如果天氣情況許可，佢期望於1月16日展開呢次挑戰。
主辦大會透露，佢哋喺活動前夕評估環境，認為現場有可能受北面強風吹襲，超出活動安全標準，而黎志偉攀登嘅方向，會「食正」大風，所以經安全評估，決定將活期延期。
----- 廣告 Ad -----
活動雖然延期，但仍接受公眾捐款，各位可透過港大醫學院矯形及創傷外科學系的網頁直接捐款。捐款詳情可致電 2255-4107。
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。