圖: 黎志偉 CHI WAI LAI
「包山王」黎志偉原定於1月9日攀上320米高嘅荃灣如心廣場,為脊髓損傷患者籌款。不過,大會宣布因天氣關係,延期舉行。

主辦大會透露,佢哋喺活動前夕評估環境,認為現場有可能受北面強風吹襲,超出活動安全標準,而黎志偉攀登嘅方向,會「食正」大風,所以經安全評估,決定將活期延期。

圖: 黎志偉 CHI WAI LAI
志偉於星期五晚在網上直播中表示,如果天氣情況許可,佢期望於1月16日展開呢次挑戰。

志偉呢次挑戰亦為脊髓損傷患者及行動不便病人籌款,以購買「機械腳」等復康儀器及進行相關研究,令更多脊髓損傷患者可「再次行走」。是次籌款活動之受惠機構為「香港大學矯形及創傷外科學系」,善款將用於其 ”Get Up and Walk” 項目 。

活動雖然延期,但仍接受公眾捐款,各位可透過港大醫學院矯形及創傷外科學系的網頁直接捐款。捐款詳情可致電 2255-4107。

資料: Ignite Community Services

Fitz 編輯部
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。