圖片來源:「小心駕駛」群組
圖片來源:「小心駕駛」facebook群組

五一長周末,郊外照例人頭湧。5月1號第一日假期,一朝起身就見到上面呢張相。相片中嘅事發地點應該係新娘潭路,相中嘅單車友,估計喺呢段要落車嘅路段繼續踩車,最後畀警察訓話抄牌。

照計呢段有晒路牌,話唔畀踩單車,呢班單車友唔係想博大霧蒙混過關,就真係唔知頭唔知頭路。無論點都好,佢哋亦已受警察制裁。不過,亦因呢張相,令我覺得有好多單車嘅法例,係時候要提下大家。

單車友不時發起遊行,令社會大眾支持單車運動。(香港電台圖片)
單車友不時發起遊行,希望社會大眾支持單車運動。(香港電台圖片)
  1. 在行人路踩車:無明顯需要,而在行人路踩車 — 最高罰款500或監禁3個月
  2. 妨擾罪(一般人講嘅行為不檢):單車策騎嘅方式或速度令公眾危險 — 最高罰款500或監禁3個月
  3. 將單車帶入郊野公園範圍:包括騎單車,以至停泊單車,連推架單車入郊野公園都唔得 — 最高罰款2000及監禁3個月
  4. 不得用單車運載危險品:除了兩罐各20公升的火水外,任何單車不得運載危險品
  5. 魯莽及不小心駕駛:根據揸46(四個碌)經驗,點為之魯莽點為之不小心,好睇實際情況,或警察嘅理解 — 最高罰款500至1000
  6. 酒駕及藥駕:是但一項都唔得 — 最高罰款1000及監禁3個月
  7. 沒有依警察叫停指示:俗稱「衝Block」— 最高罰款2000

    法例大家未必全部記得,總之踩緊車都要留意路牌。
    法例大家未必全部記得,總之踩緊車都要留意路牌。
  8. 單車保養及裝備:(全部罰款2000)
  • 至少一個煞車
  • 頭有大燈,尾有紅燈
  • 有叮叮(可提醒其他人的警報器)
  • 所有設備均要正常運作
  1. 其他規例:
  • 一般情況下需單行行駛(單車徑除外)
  • 不得手握任何汽車或車輛
  • 不得載人以及運載阻礙視線的動物或貨物
  • 騎單車者至少有一隻手緊握手柄(即係咪雙手放開懶型呀!)
  • 如路段有單車徑,不可在道路其他地方踩車
1991年有英國藝術家在馬路邊製作藝術品,希望大眾關注騎單車者權利。

更多:
公路單車交收檢查列表
高階單車路徑分享和注意事項: 大冷
Fitz單車文章

廣告