Fitz > 運動 Sports > 單車 Cycling >
（最後因為時間關係，怕朝早開始多車，所以無落到尖沙咀。）
上個週末，滾動吧！決定要滾一轉大冷！
假如你初次接觸大冷呢個名字，以下有少少資料。
所謂大冷，就係Big Round咁解，簡單嚟講就係會環繞九龍新界踩大約80-100公里，路線有好多變化，但普遍而家嘅人通常會由大圍出發，經大埔道落深水埗，之後到美孚、荃灣西、屯門、元朗、上水、粉嶺、大埔、吐露港單車徑，最後返回沙田這一個路線。
亦有人會選擇反方向行駛，即「逆冷」。
而我哋今次就係踩逆冷。
大冷註解：
話你知：「踩大冷」路程近百公里
特色路線 – 單車大冷
傳統大冷路線：
由於沿路十分多車，所以好多人都會好似我哋咁踩通宵，氣溫比較低，少人少車。
當晚我哋十點相約大埔孖橋出發，除了中途補給停7仔外，就是在深水埗吃早餐，由於吃早餐時已經5點，如果繼續落尖沙咀再回程經大埔道上，可能會開始多車，所以最後也決定擱置尖沙咀一段。
注意事項：
- 沿途會經過不少路段會出現和的士/小巴/私家車同行爭位的情況，無論對方做什麼，只會顯出他們的無知和橫蠻，緊記以安全為大前提，不要鬥氣。
- 遵守交通規則，停紅燈／轉線打手勢／睇位／唔好cut雙白線，記住，你有路權，係因為你係一部車，就算條街一個人或一部車都冇。尊重自己。
- 每小時補給，吸取熱量、BCAA飲料。
- 帶備一條後備內呔和手泵。
- 頭盔／頭尾燈／淺色衫／風鏡。
- 開始時會很容易進入興奮狀態而踩得過快，記住留力完成100km. 不要強行配合隊友速度，如果隊友太快，請要求隊友減速來配合比較慢的隊員，這樣比較安全。
- 如果真啲分裂成行，請以兩個為一組。
- 最後就係，100km 對於體力消耗實在非常大，絕不適合新手嘗試，出發前請考慮身體狀態及技術能否配合連續五小時平均車速在20-30km/h 行駛。
祝旅程安全愉快！
更多：
滾動吧！單車日誌 facebook專頁
唔怕俾人鬧單車L！公路單車十大潛規則
杜光庭其他文章
Fitz單車文章
