屯門公園對出嘅單車徑,早前加咗啲路牌,唔知係咪改善工程嘅一部份呢?
屯門公園對出嘅單車徑,早前加咗啲路牌,唔知係咪改善工程嘅一部份呢?

講咗好耐好耐嘅環新界「超級單車徑」,終於有進展。最新情況係,政府成功喺立法會手中,拎咗8.9億撥款,元朗至上水一段嘅單車徑可以投標動工!

呢段11公里長嘅單車徑,由元朗錦田河,經新田、古洞,再接駁上水嘅單車徑。當中,會興建多個單車休息處,亦要起幾條隧道同天橋,所以搞到咁貴嘞。

元朗至上水工程細則 (立法會文件) (按圖放大)
元朗至上水工程細則 (立法會文件) (按圖放大)
上水石上河嘅單車橋設計圖 (立法會文件)
上水石上河嘅單車橋設計圖 (立法會文件)

不過,有單車友又覺得,新嘅單車徑仍然停留將單車視為休閒活動,未能令單車作代步之用。例如要經過咁多天橋隧道,會造成危險。

而各段單車徑嘅完工日期:

  1. 屯門至元朗:2016年年底
  2. 上水至馬鞍山:已完工
  3. 元朗至上水:2020年

至於荃灣至屯門嘅單車徑,仲停留喺計劃階段,只聞樓梯響,睇怕短期內都好難有得踩嘞!

各段單車徑完工時間 (明報圖片) (按圖放大)
各段單車徑完工時間 (明報圖片) (按圖放大)

資料來源:工務小組委員會討論文件

更多:
Fitz.hk Facebook專頁
香港10大官方越野單車徑
「超級單車徑」又斷唔得晒
Fitz Cycling 單車

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。