台灣環島出發前準備_01好嘞,經過多個月嚟不斷嘅準備同練習,同拍埋晒啲自我陶醉嘅chok片chok相,終於都到達咗出發前一晚,呢個時候要真正開始認真起來,因為拍片影相etc.其實都唔係環島嘅一部分,只不過係有個機會畀大家過下癮,而環島,最重要嘅始終係準備、路線,住宿安排等等,我就係呢度認真同大家講下我哋嘅準備。

單車
呢部係我嘅單車2012 BMC SL01。[滾動吧!]台灣環島出發前準備12

台灣環島出發前準備_05我決定要用一部全碳纖維嘅單車原因,係我喜歡自己嘅愛驅同我一齊經歷嘅感覺。

用碳纖維單車去環島始終有佢嘅危險性。

貨架
當你單車嘅座管唔係金屬又唔係圓形,基本上你唔能夠買另外一條金屬座管換上去嘅話,咁你可以安裝嘅貨架就會好少,我亦為呢個問題而煩惱咗好耐。[滾動吧!]台灣環島出發前準備16後來我發現咗一個貨架,係可以唔需要安裝上去座管同尾叉的,係 Axiom 嘅 Streamliner Road DX, 佢係用C夾嘅位置同埋後輪快拆嘅位置嚟借力,咁就解決咗碳纖維裝貨架嘅問題嘞,不過呢個貨架香港並沒有,所以我專程托加拿大的朋友幫我買咗一隻。[滾動吧!]台灣環島出發前準備13link: http://www.axiomgear.com/products/racks/streamliner/streamliner-road-dlx/

另外要提一提的,就是這個貨架的闊度其實很窄,所以選購貨架包時要留意,或者要作出少許改造,如果吾係貨架包會好難穩固,左搖右擺。

貨架袋
淘寶貨,本來以為呢種袋外表咁細,應該裝唔晒,點知原來可以放好多野,十幾日嘅行裝,放入去之後。。。就係咁[滾動吧!]台灣環島出發前準備02裝備
環島準備嘅嘢好多人講過,我亦唔再重覆嘞,要知就問Google大人啦。
呢度就係我準備嘅嘢。 (見最上圖)

反而我想講下今個旅程我準備咗一舊咁樣嘅嘢。
全名叫 MobileLite wireless Media Reader.台灣環島出發前準備_02[滾動吧!]台灣環島出發前準備03

台灣環島出發前準備_03點解會買呢隻嘢,原因係好多人,包括我自己,喺去旅行嘅時候都會遇到一個問題,就係影咗好多相,拍咗好多片,手機或相機無晒位,又無帶電腦,咁點算好?

有人會買隻WiFi 硬碟,但係Wifi硬碟最平都過千蚊。。。有咩其他方法?就係呢隻嘢喇。

佢本身有內置電源,你可以將相機嘅SD card 插入去,然後同時再插過普通移動硬碟,咁你就可以用手機操控,將SD卡嘅嘢過落去硬碟度。慳好多地方同重量,因為唔駛再帶部電腦。

價錢:大約$280

其他裝備包括:移動電源、對講機、移動硬碟、GoPro、手機、USB 分執叉電器。

包車
經過一輪掙扎,我最後決定都係保持一貫『落手做,學得多』嘅原則,自己幫單車包箱。台灣環島出發前準備_04好在有『單車界周柏豪』 鍾伯嘅幫手,比咗個單車紙箱我,於是我就去咗大南街買咗大約五碼嘅珍珠綿($70)(如果你無其他物料,買7碼最穩陣),然後根據呢條片嘅教導,自己包!

最後都叫做不過不失啦,自己做特別小心嘅。

[滾動吧!]台灣環島出發前準備01

[滾動吧!]台灣環島出發前準備08行程
講到行程,我哋會先到達台中,喺台中租車到台中車站附近的民宿,然後裝車。到第二天早上才在車站前正式出發。
而經過商討,我哋頭幾日會先苦後甜,嘗試先每天騎行超過100公里,然後先至後甜。
所以除咗第一晚嘅民宿,我地並沒有作出任何其他住縮安排,見步行步!嚇我唔到嘅~!

第一晚民宿資料聽日連同相片再補返。

路線方面。。。唔知。。。因為其實正式路線仲未定。。。咁先刺激架嘛!哈哈哈哈哈

當地情況
我出咗名係災星,上年想環島入醫院,想去沖繩馬拉松就打大風取消,想去濟州就MERS… 所以今次我亦一直觀察當地情況。果然不出我所料!出發前地震兼登革熱肆虐,所以我哋亦要打醒十二分精神,會時時刻刻茶驅蚊水。。。

另外呢個係我出發前嘅體重。。睇下返黎會肥咗定瘦咗先![滾動吧!]台灣環島出發前準備06出發前嘅嘢係差唔多啦,有咩問題喺facebook留言問我啦!

Daryl
為夢想。滾動吧!

鳴謝:
隊衣贊助:Stan Group
眼鏡提供:Blackness eyeglasses
補給品提供: Australian Natural Supplements
攝影儀器提供: Aristo Components
飲品及全力支持: Red Bull

滾動吧!單車日誌。Facebook專頁

更多:
Fitz.hk Facebook 專頁
滾動吧[email protected]
Fitz Cycling 單車


文章為作者意見,不代表Fitz立場。

歡迎投稿: http://fitz.hk/contribute/