Fitz > 運動 Sports > 龍舟 Dragon Boat > [端午睇龍舟攻略] 識得睇 一定睇鼓手

[最強睇龍舟攻略] 識得睇 一定睇鼓手_02

端午節全港有超過10處地點,會舉行龍舟競渡。龍舟貴為當日最應節嘅活動,咁應該點睇先可以盡興?我哋專誠訪問「飛虎龍舟體育會」,講下欣賞龍舟比賽嘅注意事項:

[最強睇龍舟攻略] 識得睇 一定睇鼓手_01

Fitz:全港咁多地方有龍舟比賽,你哋覺得邊場比賽最值得睇?現場睇龍舟又要留意啲乜?

答:每個賽事都各有特色,例如香港國際龍舟邀請賽一連三日在中環舉行,會有來自世界各地的龍舟隊伍。而香港仔的龍舟賽,則會有十條大龍參賽,是全港最多大龍的賽事,所以市民可以按自己的興趣選擇。

現場睇龍舟,當然氣氛更緊張刺激,見到現場觀眾及各隊伍會為運動員打氣,如果睇私家龍的賽事,你會見到各支龍舟隊的漁船排列,漁船上坐满人,旗海飄揚,場面相當壯觀!而有些賽事會擺放攤位,有遊戲或特色拍攝,好似嘉年華一樣熱鬧。

[最強睇龍舟攻略] 識得睇 一定睇鼓手_03

Fitz:龍舟有大有細,點樣劃分?

答:龍舟可分為:12人嘅小龍;24人嘅中龍;48人嘅大龍。龍舟通常用纖維或木製,而常用的木種有柚木和坤甸。一般每條幾萬元,木龍會較貴,最少7、8萬隻。

而三種龍嘅賽事都有唔同看點:
小龍:因為每隊需要的人數較少,容易組隊參賽,所以可以欣賞到最多不同隊伍參賽。

中龍:因為無論合作上、技術上、體能上對隊伍要求較高,速度更快,輸贏相當接近,所以賽事相對小龍會較刺激。

大龍:是三種龍舟中人最多,最要講求合作、節奏、策略,相對更刺激。

[最強睇龍舟攻略] 識得睇 一定睇鼓手_08

[最強睇龍舟攻略] 識得睇 一定睇鼓手_07

Fitz:用運動角度去睇龍舟比賽,有咩要注意呢?係咪剩係爬得快就係勁?

答:可由多方面去睇:頻率、力度、入水深度、入水角度、划幅、節奏、合拍度 (即整齊度),一般而言,頻率高、入水深、力量大、划幅長,而成條龍動作與節奏是一致的,條龍理論上就會做到最高速,最快,但實際上要視乎隊員的特性,適合那一種方法,例如消防員有足夠體能,當然可以划較高槳頻,但例如年紀較大的運動員,心肺未必可以支持到,但技術較成熟,每槳划得夠深,食水較好,那麼寧願以較低槳頻去划,效果可能更好…所以龍舟訓練要體能與技術兼備,但教練則以按運動員特性去調節不同方法…

[最強睇龍舟攻略] 識得睇 一定睇鼓手_09Fitz:我覺得鼓手好有型!點睇得出一個鼓手好勁?

答:理論上鼓手是利用鼓聲,帶出節奏,讓成條艇跟齊槳,但在比賽嘈雜的環境,當鼓聲齊起,隊員其實聽不清楚自己的鼓聲,所以實際上鼓手在比賽場上最重要的角色,是能靜觀形勢,他是整條龍唯一能清楚看到其他隊伍的人,所以他會按形勢去告知隊員應該點做,例如如果是搶頭領先,但見其他隊伍一板板追上來,鼓手就要適時起鼓,或以其他方法去給隊員指示,例如吹哨子,告知隊員要加力等等…而成功的鼓手,還應該熟識隊員的能力與強弱處,能夠善用他們的優點,再加上情勢的需要,而作相應的配合與指示。

[最強睇龍舟攻略] 識得睇 一定睇鼓手_05

[最強睇龍舟攻略] 識得睇 一定睇鼓手_06

Fitz:今年端午節你哋飛虎會參加咩比賽?備戰工作點樣?

答:飛虎龍舟隊的基地是香港仔,端午節當然會留守香港仔的大龍賽。備戰大龍賽,需要為大龍做開光、拜神、落水的儀式,當然亦需要訓練比賽的路程,還有是夾龍練習,因為大龍與中龍的頻率不同。

平時訓練,除了水上訓練,還需要操體能,跑步游水練心肺,重力訓練肌肉強度,有些人會用划艇機進行訓練,亦會特別獨立做些強化扒龍舟會用到的肌肉的練習,例如練背肌。

大家記得端午當日去香港仔海傍道海濱公園,同飛虎龍舟體育會嘅大龍打氣啦!

[最強睇龍舟攻略] 識得睇 一定睇鼓手_11

特別鳴謝:飛虎龍舟體育會

更多:
Fitz.hk Facebook專頁
[講勻10區] 端午節去邊度睇龍舟?
[世界龍舟俱樂部錦標賽] 比勝負更重要的東西
[世界龍舟俱樂部錦標賽] 遇強越強
Fitz Dragon Boat 龍舟