寫給女生看的男『尖』Room風光之一_f連日下雨 我只好躲進gym裡跑 treadmill 同做core 練習。

除了Admirablesouthern 另一個香港人經常讀錯的字應該是gym. 當同事見到我拿著Moleskine myCloud 囊收工時 他們會問我是否去做『尖』? 另一個問題女同事經常問的就是: 「陳伯Facebook見到跟你一起做『尖』的男性朋友 個個都彭于晏咁款 唔知佢哋結咗婚未呢? 未結嘅話 有無女朋友呢?

我答:「從未結過婚和無女朋友。」

女同事跟著問:「咁會唔會係窮L所以無女呀。」

我接著說:「應該不會 因為身邊的人都叫他們金融才俊或專業人仕 有啲係ibank到做﹑有啲係前Salomon Brothers到做fixed income﹑有啲係retain lawyer. 他們愛住羅便臣道 貪返工方便 單位是買的。車方面 佢哋鍾意開Audi.

聽罷她們用bitchy腔問:「咁筍! 無女!? 一定係有暗病、隱疾、精神病或有人格障礙啦!

我答:「人哋都不知幾正常人又gentleman (食飯一定唔會go Dutch) nice細心 體貼﹑懂音樂(ChelloSaxophone)﹑熱愛攝影同旅遊﹑有學識有內涵有修養 (Ivy League畢業)﹑有品味但不炫富﹑識飲識食﹑見多識廣不討厭shopping陪女仔行六七個鐘頭街都唔會見攰同見尿急fashion嘅嘢都識吓條鐵架所以不會語言無味。仲有錫小朋友同關心老人家死未!

她們立刻起哄: 「唔好等拿拿淋介紹畀我哋識。」

「無問題anytime 你哋會好夾佢哋同妳哋一樣都係鍾意男仔嘅。」我爽快地答應。

姐妹們即時反枱: 「妖!

我都是講事實而已。我自小就係美國某個州同其他『尖』work out到現在貴為一個阿伯我敢說『尖』不會是女仔識男仔的最理想地方。等我逐一細數我見過的騎籬人同事。

寫給女生看的男『尖』Room風光之一 1

有些男生是不愛穿底橫的
女生在某些情況下是不會穿panties 例如穿一件個叉開高到上胳肋底的晚裝或不想穿super skinny貼身褲時現內褲邊, 這個我明白, 是因為美觀需要。

我是在老蘭的一間『尖』認識柒哥的, 第一次大家肉帛相見時, 他已經不穿底橫的, 我不是蠢到不知道單車褲同有內胆運動褲是不用穿內褲的。是當沖完涼, 抺乾身後, 穿回衣服時, 我未見過他先著內褲, 然後再穿回褲子的。起初我以為他是因為弄濕了底橫或忘了帶spare 後來方發現原來他是不愛束縛, 喜歡自由奔放, 盪下吓盪吓的感覺。

用王家衛簽名式電影讀白來表達是「我同阿柒個抽嘢最接近時只係相隔著一塊零點零幾公分的denim.」我恐懼的不是他的那抽嘢, 個個男人都有, 有什麼好怕。而是每次當他迅速穿回褲子時, 最後一下, 睇也不睇把拉鍊[]一聲拉上時, 我都會擦一把汗。不會不小心卡著嗎?

終於一次太快發生在Ben Stiller的意外發生在他身上。「唔好淨係識得係度望啦call 白車呀。」阿柒大聲叱罵我。

更多:
Fitz.hk Facebook專頁
跑步潮語字典 (下篇)
跑步潮語字典 (中篇)
跑步潮語字典 (上篇)
寫給港.跑女的跑步禮儀篇
Yiu Kwong Chan@Fitz.hk
Fitz Running 跑步