呢位係 Daniel Scali，澳洲著名大隻佬。去年8月，Daniel 挑戰「最長時間Plank」嘅健力士世界紀錄，以9小時30分鐘成功寫下歷史。事隔唔夠一年，佢再有新挑戰。
呢次 Daniel 挑戰一小時完成最多次數掌上壓 (push-ups) 紀錄，結果佢成功喺60分鐘做咗3,182下，平均每分鐘51次。舊紀錄係另一位澳洲人Jarrad Young﹐於2021年所創下嘅3,054次。
Daniel Scali 12歲時跌倒，左臂多處骨折。自此患上 CRPS 痛症 (Complex Regional Pain Syndrome)，大腦發出錯誤訊息，只要手臂有輕微壓力就會持續疼痛。佢希望藉住打破紀錄，可以提醒大眾「只要有毅力，人生有咩困難都可以克服」。
資料: Daily Mail
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
