如何跑步PK而不失霸氣: 波比跳 burpee
現年47歲嘅 Jimmy，10歲時由台灣舉家移民美國。佢自小鍾意運動，夢想係成為律師或工程師，不過27歲時被發現患上柏金遜症，自此人生變得不一樣。
因為患病令身體不自主抽搐，Jimmy 唔單止要放棄最鍾意嘅高爾夫球，就連行步路都會失去平衡跌倒。不過 當 Jimmy 發現運動可以幫佢減輕病情，就下定決心做運動，曾先後完成過13個馬拉松及長途單車等。雖然 Jimmy 練跑時成日跌倒，反而令佢發現波比跳 (burpee) 有助跌低時起身，於是開始用 burpee 鍛練身體。
就係咁，Jimmy 由每次只能做5次 burpee，做到成為健力士紀錄保錄者。
打破健力士紀錄
去年8月，Jimmy 趁住自己患上柏金遜症20年挑戰紀綠，結果佢以1分鐘內完成30次胸貼地 burpee，成為健力士紀錄保持者。
其實 Jimmy 除咗做 burpee 勁，亦完成過三項鐵人賽，仲參加過5次 American Ninja Warrior，證明病患唔係障礙。
Jimmy 而家四出公開演講，分享佢嘅奮鬥歷程。而且佢亦熱心公益，歷年來透過公開活動一共籌得超過500,000美金，幫助社區發展。
蝦里
去去，武器走！