圖片來源

王貽興曾經寫過一篇關於男人第一眼通常會留意女性那個部位的文章。
答胸部的會被罵未戒奶,童年缺乏母乳。
答雙腳的會被罵戀足癖,心理變態。
答臀部的會被罵低層次,小農DNA潛意識只諗到好唔好生養。

圖片來源

答腰的會被罵患妄想症,香港有幾多個女仔係Alexandra Daddario? 又要腰細又要波大。畀你攬到條腰就唔會好揸手啦!

咁答咩嘢好呢? 在台灣與日本的綜藝節目,為數不少的女星認為鎖骨是性感部位,不是腰不是腿。

不論你是睇胸、睇腰、睇鑼、睇鼓、睇腳、睇鎖骨、睇後頸、睇腳踝,現在行山都可以大飽眼褔。

「鳩假期」又柒咗啦

圖片來源

上星期五29日「鳩假期」出了一篇《隱世絕景! 小西灣一日游 小西灣 Donki 以外好去處! 食買玩一日遊行程: 歌連臣角砲台3小時行山打卡+格仔餅+海濱長廊》報導,最攪嘢是叫人睇埋日落先好走。

識睇一定係睇留言。

「我住咗小西灣咁多年都唔知道,原來海邊向東可以睇到日落🤣 」
「張相向東,點會係日落,9吹都唔好吹到方向都錯啊🤦🏻‍♂️ !」

最精彩係呢個:「小西灣好住但冇嘢好特登黎閃咭食玩蒲架。呢度冇芒草冇犀牛石冇紅葉冇大波妹,重要港島東睇乜鬼日落。乖啦不要攻擊我的村莊」

亮點是大波妹。

圖片來源

以前行山是耆英活動,好娘好老土的。古語有云: 「行山者,有女跟女,無女先跟隊。」

至於有無女參加? 個啲唔知算唔算係呢?

話說一次在公廁外等班女出來,班女一出來就投訴廁所好污糟,話上幾手把血淋淋的『姨媽巾』貼到一部牆都係。

其中一條女最懂得自嘲「佢地貼喺牆度來取笑你無呀嘛!」

經都停埋,你話算唔算係女呢? 喺山頭隨手搵十個八個都可以擺到圍千歲宴。

怎似得你們現在這麼幸福,一山都是美少女。

著比堅尼,係去行山定游水?

圖片來源

現在每當打開 Instagram 時,也總會看到不少女生身穿 sports bra、瑜伽褲行山打卡,去年便有一位畢業於香港大學護理系的女生身穿比堅尼、T-back 行馬大石澗,一張跟姐姐手牽手走進英雄瀑的照片引起網上熱烈討論區。有人問 sports bra 行山是否已經是好 out 的呃 Like 打扮? 而且十分贊成更多女生穿著性感比堅尼行山,帶來另一片山上美好風光。

當然亦有不少人一邊鬧「好核突,唔好侮辱行山運動」一邊睇。留言話以這樣的衣着打扮去行山,輕則給蚊叮蟲咬,重則跌倒擦傷。亦有人加人戰團炮轟有引男人犯罪之嫌。

不如由大帽山山之女 Jenny 回應一下:

「點解要限制我哋嘅自由呀!」
「有危險自己負責,條命係我自己㗎」
「救人係你哋嘅職責,你勸我唔好,但我係要上去!」

衣著越少,能力越大

圖片來臨

港女開始行山之後,我完全對「港女」改觀。只要有卡打,路不怕曬,不怕遠,不怕難,不怕險。
大家可以少擔心著咁少布行山行澗會有危險。

寒冷警告的日子,我由吊手岩行去北港,途中遇上三個只穿 sports bra 和運動 legging 的女生,兩手揈揈,水都無支上山。當天山上只得八度,在上山的第一個懸崖靚景位排隊等打卡時跟她們閒聊起來。

「伯伯,你睇嚟好似好凍咁喎? 成個人係咁喺度打冷顫。你okay嘛?」
「我未熱夠身,行多陣,個身暖咗,應該無問題。妳地咁輕裝,著得咁單薄,上到山頂好大風,唔怕凍咩?」
「唔怕,我地有衫。」

我睇她們一身打扮,想搵位攝張身分證都難。

她們指著山下五六個孭著40L背囊,手持full frame 相機,腳架,反光板和航拍機,負責空中補給的兵扯哂蝦上緊來。

「伯伯,你影先啦,我地會影好耐。」

我見她們影相時,一點都不畏高,要取得好角度,可以有咁出企到咁出。有時班兵都會考慮一些 pose 是否安全,反而港女就無有怕,危坐崖邊,擺出各種高難度瑜伽動作或跳起 yeah。

港女行山,我真係識條鐵咩!


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 依家興上山睇E神