Fitz > 運動 Sports > 行山 Hiking > 其實打颱風上富士山山頂,又有咩好怕喎! 登山過程準備篇 (前菜)

留意:登山有風險請注意安全,作者登山過程只供參考,出發前有問題請務必向經驗人士查詢

行程準備

早在3月尾,已經向日本的旅行社預約了7月4至5日的登富士山山頂之旅。富士山山上的山屋,通常會預留少量位置,畀日本本地旅行社租用,即是等於酒店預留房間比旅行社一樣。

今次連同2個大學讀書的同學仔一齊上山。

經旅行社報名有個好處,就係佢咩都幫你預備好哂 (最緊要係旅行社係會幫你預訂埋山屋,不用等佢叫你上 PayPal 比錢),你只要出現就可以,旅行社包左上山同回程的交通。

不過,今次我選擇的行程係自己行上山,不是跟旅行社的導遊一齊上山,可以跟隨自己的節奏而行,因為我之前傷過小腿脛骨前面,所以無論是比賽,練習或是日常生活都會好小心處理,一感覺痛就停止所有活動。

登山的行程

講番旅行社個行程,愈早出發就愈比少啲錢,同埋自己自行上山就會平多2000円。

當然不同的日子會有不同的價錢,星期六,日通常都會貴少少 (個別例子就如感謝祭等日子就會有特別優惠)。在第二日的中午會有旅行社的巴士車番你去浸溫泉,即是比個地方你去沖涼,加500円會有埋個午餐,跟團就係希呢個著數喇。而出發當日所帶的物資係好多好多嫁,物資會係主菜篇時再講。

而我的自選行程就是11800円呢個,加1000円可以自選山屋,當然,我選擇的是香港人最喜歡的‘御來光館’。

圖係自己上山,不設導遊和同行者及係自選山屋的行程 (按圖放大)
這個行程是有登山導遊同領隊跟住的。 (按圖放大)

有導遊和同行者及係指定山屋 (導遊會因應個別狀況而選擇入住邊間山屋) 的行程,行程順利的話都會上到八合目的山屋,好可惜今次的旅程係遇上了颱風的來臨,跟團的團友只上到七合目的山屋住一晚後就下山了,不能登上富士山山頂。

登上富士山並不算特別困難,因為行的是吉田路線,難就難在登山後你還能記得她的多少!

(待續,往後會有撮要……)



文章為作者意見,不代表Fitz立場。