其實打颱風上富士山山頂，又有咩好怕喎! 登山過程收成篇 (甜品)

由

2017-08-02

Fitz > 運動 Sports > 行山 Hiking > 其實打颱風上富士山山頂，又有咩好怕喎! 登山過程收成篇 (甜品)

上文講述愈高的地方，食物同飲品就會愈貴，可見下圖是御來光館食物及飲品價目表：

由於我們比較早到達，可以選擇用餐時間係18:30，係一個日式便當：有漢堡飯同沙律，加上一杯熱茶，that’s all。

同時會比埋早上的早餐我們，早餐係三文魚扒飯及一包綠茶飲品。

食完就訓覺，輾轉訓左一陣，出面又橫風橫雨咁聲，又因為高山症而頭痛扎醒了，原來好多香港人都係訓唔著，係度傾家事。

準時起身。當御光來館屋主開完電腦，睇完天氣情況後，沒有出過聲，此時也開哂燈，我知道可以上山喇! 十萬個興奮!

起左身而又能係大廳的人也愈來愈多。食埋尋晚拎的早餐就準備出發!

由御光來館出發上山，其實沿下望除左好大霧之外，都見到好多人慢慢上山，搏一搏睇御來光 (日出)，因為之前幾日係冇日出睇。

其實一路行係大風到不能前進，僅以兩支行山杖企係度支撐著。

好事接踵而來，轉頭已望到日出的紅霞襯托著夜晚的星星。

在御光來館時，認識到香港其中一個山友，決定一齊上頂，而上頂途中富士山上的積雪還未全部溶化現場溫度都好低。因為大風關係，上山的人都要向前傾住上山。

御來光出來了！今次上山的願望達到了，當然此時全場都歡呼起來!

雖然今次未能上到富士山的最高點－劍峰及不能在山頂お鉢廻り的行程（圍繞山頂行一圈），但都盡興而回。

只要到富士山頂淺間大社奧宮，就已經可以當作登上了富士山山頂，可以向以下網址：
http://fujisan3776.com/index_en.html

可選擇登上 (summit) 富士山或者遊覽過富士山申請證書，發行費用：每張1,080円另加運費。

由於前一晚落左好多雨，落山的時侯都不用戴口罩，火山灰沒有滾起，只是落山會比較悶，一路沿著黃色標記落番去富士山吉田口五合目，就終結旅程去浸溫泉。接著約12:00左右就離開富士山吉田口五合目去下圖中的溫泉旅館浸溫泉同食午餐。內裡不能拍照，所以只有溫泉旅館出面的相。

唯一可影相就是內裡的餐廳，加左500円就有一個日式料理，食物賣相幾好，食物味道就一般啦，旨在食個氣氛，因為可以望住富士山山頂來享受午餐。

上山時間為5.5小時(由富士山吉田口五合目至御來光館)，7.6km + 1.5小時 (由御來光館至富士山山頂)，1km，下山時間為3小時 (由富士山山頂至富士山吉田口五合目)，8.6km。

全文完，謝謝!