毅行者

毅行朋友籌組支援隊,其中一項重要安排,就係安排膳食,搵support team做「外賣仔」,不過好多時熱心嘅朋友會做多咗都唔覺,毅行者去到自己安排嘅支援站,除咗上一集講嗰6項工作,仲有幾點要留意:

1. 聚舊搵日先
Support team有時會好熱心,準備一大堆食物,安排一連串節目,燒下野食,按下摩咁,又真係好令毅行者賓至如歸。不過,毅行萬事以時間為先,如果為會同Support Team聚會,令休息時間過長,又真係幾無謂。

我曾經見過有班support team,索性喺毅行期間搞中同聚會。佢哋十幾人,燒住野食支援毅行朋友。嗰幾位毅行者,見到班舊同學咁齊人,真係唔好意思食兩啖飯就走番上山囉。

所以,毅行者籌組support team時,不妨先小人,叫朋友們唔好搞咁多嘢。而support team亦應該以毅行活動為先,聚舊嘅嘢,慢慢唔遲丫。

2. 個人清潔
毅行者到支援站,食嘢休息之外,其實亦要爭取時間清潔下自己,亦要趁唔使排隊去埋廁所。

而行山友大多不修篇幅,但毅行者其中一項挑戰就係捱眼訓。清潔自己,完全可令自己回復精神,其中包括洗面、洗身,甚至刷牙。而且,如果support容許的話,亦可以勤啲換衫、換襪。

3. 療傷
毅行者行100公里,身體小小唔舒服,完全可以放大100倍。所以,如果有傷,簡單至腳底起泡,肶位擦傷,其實都應該諗諗計處理好。毅行期間兵荒馬亂,雖然未必有足夠物資好好處理患處,但頂得一段得一段,膠布甩咗,可以再黐過。千祈唔好怕麻煩,怕嘥時間,有傷都唔理。到支援站有乜要搞下02更多資料:樂施毅行者官方網頁

更多:
[毅行備戰] 到支援點要做的事(上)
[毅行備戰] 系列
山雞其他文章
Fitz Hiking 行山


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > [毅行備戰2015] 到支援點要做的事(下)