Fitz > 運動 Sports > 行山 Hiking > [毅行備戰2016] 剪帶要有規有矩

[毅行備戰] 剪帶要有規有矩唔係話我黑心,只不過係未雨綢繆,一日參加活動,都會有中途退出嘅一日。不過要中途退出毅行者活動,並唔係話剪斷手帶咁簡單。樂施毅行者網站雖然好詳細咁講晒退出過程,不過驚大家唔睇,我講重點啦:

  1. 個別隊員退出,最好係去最近嘅檢查站辦理手續。未退出隊員會收到證明書,證明有隊友退出。到終點如果無證明書,又唔見咗個隊友,就隨時畀人取消資格。
  2. 如退出隊友未有喺檢查站登記,亦需要盡快致電樂施會(電話號碼印喺手帶上),亦記得將退出隊友嘅手帶交畀繼續行程嘅隊員。而繼續嘅隊員要喺下個檢查站辦理退出手續。
  3. 若隊中有兩名成員中途退出,餘下隊員必須要同其他隊伍同行,先可以繼續活動。(嗱,呢一點我山雞一直都唔知!)
  4. 中途退出者,需自行坐公共交通工具離開。但7至8段(即鉛礦坳),以及9號檢查站(大欖水塘)為一般汽車不准入,無車可到。退出朋友要留意。
  5. 退出活動後請盡快離開毅行者路徑,以免阻礙其他參加者,及令主辦者樂施會承擔不必要風險。

其實成個退出過程,都係想令大家有交有帶,以及令活動喺更公平環境下進行。你一個唔覺意返咗屋企唔通知人,萬一要人哋拋西瓜搵你就唔好啦。[毅行備戰] 人哋嘅失敗係最好嘅教訓(下)_f至於因為咩理由需要剪帶呢?樂施會就梗係唔會講啦,我山雞都係根據眾多聽返嚟嘅經歷,講下必需要剪帶的理由:

  1. 繼續行程,會令自己或他人的人身安全帶來危險(如受傷、天氣惡劣等)
  2. 有隊友受傷/體力不支,若繼續行程,會令整支隊伍不能在限時內完成活動。
    (警告:千祈唔好強逼他人作退出決定!邊個拖累邊個,要過咗終點先知!要退出,一定要由自己做決定!其他人唔該收聲!)

退出毅行者,完全唔剩只係退出一個活動咁簡單,信我啦,退出嘅決定會更令你一生遺憾…… 蔡東豪話:「剪帶是毅行者極刑。」(雖然佢最後都有剪帶

至於我山雞嘅剪帶經歷遲下再講。推推舊文先,Law少剪帶後嘅韱悔:[毅行者] 我放下了五座山

毅行.傳承
Fitz.hk為樂施毅行者2016大會媒體伙伴

更多:
Fitz.hk Facebook專頁
[毅行備戰] 系列
山雞@Fitz.hk
Fitz Hiking 行山


文章為作者意見,不代表Fitz立場。