[毅行備戰] 官方補給站有咩提供_f
毅行10個檢查站,鉛礦坳嘅杯麵真係令人充滿希望。圖為歌手鄭融做義工。
最初嘅毅行者(即係97年以前)有英軍負責支援,佢哋以軍隊方法去為參加者補給(據講直頭有軍用車輛拖部運水車上山),所以補給對毅行者嚟講一直都唔係問題。到回歸之後,毅行者由樂施會接手主辦,當中有唔少團體義務幫忙(我最深印象係每年負責急救嘅公立醫院醫務人員),咁多年都畀唔少信心各位參加者,大家絕唔會驚無水飲無嘢食,差在大家咀刁,嫌食麵包太寡啫。

各個檢查站都由義工團體包辦。
各個檢查站都由義工團體包辦。

噢,講遠咗,講返補給先。

毅行者十個檢查站,都必定有飲有食。當中一定會提供嘅,就係食水、麵包、熱湯同熱飲。而特定嘅檢查站,又會提供唔同嘅補給。其實大家去樂施毅行者官網就一定搵到,不過我就Cap畀大家睇下啦:

(按圖放大)

除咗上面嘅官方補給外,鴻福堂舊年喺基維爾營有派熱湯派燒賣,今年亦會再接再勵,大家食gel飲寶礦力搞到口寡寡,啪粒燒賣真係精神為之一振!6號檢查站嘅烏冬同飯團,都係令人期待。

東壩盡頭的補水站(並非檢查站)
東壩盡頭的補水站(並非檢查站)

注意事項:


1. 為求環保,除咗CP1大浪西灣外,大會唔會派發樽裝水。參加者一定要自己帶水壼或水樽

2. 有啲食物係有限數量(如第四站嘅燒賣,第六站嘅烏冬),先到先得。遲到食唔到,就唔好投訴

3. 理論上,檢查站有食水麵包熱湯熱飲,只要你食得落你食幾多都得。有朋友就全程用官方補給,唔搵外來補給,作為挑戰嘅目標。

4. 2016年最新安排,大會喺各個補給站,將不供應紙杯,請各位自備水杯裝水

5. 珍惜食物,切勿浪費;

今年補給站無紙杯派,大家要自備水杯。上圖呢個係每位參加者都收到嘅紀念杯。
今年補給站無紙杯派,大家要自備水杯。上圖呢個係每位參加者都收到嘅紀念杯。

毅行.傳承
Fitz.hk為樂施毅行者2016大會媒體伙伴

樂施毅行者官方網頁

更多:
Fitz.hk Facebook專頁
[Fitz毅行者2016] 唔識死新鮮人 挑戰麥徑100公里
[毅行備戰] 系列
Fitz Hiking 行山

廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。