[毅行速報] 10個路段 1次剖解f記得以前睇F1賽車,有記者問某世界冠軍,喺比賽前會做啲乜。呢位冠軍車手就話,佢會閉目養神,用個腦喺賽路上揸一次。

仲有幾日毅行者起步,大家已經唔好再去操山咯,不如就諗諗每一段路有咩要注意仲好呢。

條萬宜東壩咁闊咁直,但唔係超能者,都唔好諗喺度跑呀。
條萬宜東壩咁闊咁直,但唔係超能者,都唔好諗喺度跑呀。

第一段至第三段:北潭涌至水浪窩

  1. 初段屬一星級最易難度,但係唔好走,慢慢行
  2. 西灣山唔算高,但悶焗無風,天氣熱要小心
  3. 唔少人認為,第三段雞公山屬100公里最難行嘅路段
  4. 民間補給點:大浪西灣、鹹田灣、北潭坳汽水機、樟上、水浪窩公廁汽水機
金山馬騮,通常毅行當日消失無踪。
金山馬騮,通常毅行當日消失無踪。

第四段至第六段:水浪窩至金山走私坳

  1. 第四段為特長路段,絕大多數隊伍都要摸黑行進,要做好捱更抵夜準備
  2. 未到100號標距柱(即係獅子亭前)都唔好跑住。
  3. 呢幾段最大誘惑係基維爾CP 4嘅腳部護理,以及畢架山CP 5嘅行軍床,隊伍要好好控制休息時間。唔少毅行者都命喪呢兩個站。
  4. 民間補給點:獅子亭、石梨貝水塘汽水機
  5. 大會喺基維爾營地有燒賣同老火湯供應(由鴻福堂贊助,送完即止)
  6. 大多數隊伍都會選在城門水塘支援,勝在易去及熱鬧
落山大帽山嘅N連髮夾灣
落山大帽山嘅N連髮夾灣

第七段及第八段:針山草山大帽山

  1. 針山草山大帽山,唔使多講,上山落山,上斜落斜咁啦。有行山杖不妨拎住佢,腳仔軟都有個支撐
  2. 大帽山頂常年大風、清涼、大霧,記住帶風褸上山。天氣寒冷更要預備禦寒衣物
  3. 落大帽山一段請依麥理浩徑舊路,即係沿馬路落山至扶輪公園CP 8
  4. 鉛礦坳CP 7有杯麵供應
  5. 民間補給:荃錦坳大帽山茶水亭蓮姐 (毅行當日24小時營業)
黃泥墩水塘
黃泥墩水塘

第九段及第十段:荃錦坳至大棠

  1. 終於無乜大山要上,而且多數路段為引水道石屎路,唔少人會喺第九段起點前更換跑鞋
  2. 可安排支援朋友陪行呢段,一齊衝線
  3. 第十段後段會離開麥理浩徑,請熟讀樂施會參加者手冊,並依大會指示行進。中途有檢查站,以免參加者走捷徑

詳情請參考 [毅行備戰] 系列,由1至10段都有詳細介紹。

「行到邊,總有夥伴喺身邊」
“Side By Side, Together We Thrive”
Fitz全力支持樂施毅行者2015

#Fitz.hk為樂施毅行者2015媒體伙伴

更多:
[毅行速報] 最完備的物資裝備清單
[毅行速報] 組織你嘅支援隊
[毅行速報] 最後的備戰階段
毅行者@Fitz.hk
Fitz Hiking 行山

廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。