圖: WL

北角街坊提供佢每日嘅晨運路線,由北角行山寶馬山,喺賽西湖接金督馳馬徑,去紅香爐望下海景,然後落山經天后廟道返炮台山。呢位街坊提醒大家,行山唔使急,亦唔使執著有無靚景打卡,心情好嘅話先至可以欣賞到靚風景。

港島東區 賽西湖 > 紅香爐峰

起點: 北角港鐵站 (按: 唔想由英皇道行上山,可於北角搭27巴士於寶馬山花園落)
終點: 炮台山港鐵站
距離: 約5公里
需時: 約3小時
路況: 馬路、石屎路各佔40%,其餘為山徑泥路
賣點: 紅香爐峰維港靚景。全段市區地帶,交通方便。

沿途景觀

街坊行山團 

全香港18個行政區,可以話「區區有山行」,人人屋企都有座「後山」,大家想享受大自然絕對可以唔使舟車勞頓。自己路線自己推,歡迎各區街坊提供自私行路線,資料越詳盡越好,不過因為安全問題,非正式山徑就未必能夠刊登。

大家簡單啲畀個 GPX 檔案,或暫 Google Map 截圖都得,請 PM、DM 或電郵至 [email protected]。(同時歡迎街坊留言提供路線最新情況)

Fitz 編輯部
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。