合歡山星河 險被街燈盡 2台灣合歡山,因為遠離民居,光害甚少,加上高海拔嘅優點,成為台灣嘅觀星勝地。不過,佢哋最近一項建設,就搞到山友喊晒口面。

原來,當地政府見咁多市民上山睇星,就專登改善合歡山嘅道路設施,將上山嘅馬路兩旁,架設一支支嘅街燈,令駕車人士可以安全上山。

不過呢項建設隨即畀山友投訴「無嗰樣整嗰樣」。馬路嘅燈光,即刻成為光害,上到山星光無晒,只係睇到燈光!

未熄燈前嘅合歡山,啲街燈真係好光。
未熄燈前嘅合歡山,啲街燈真係好光。

山友即刻網上發起簽名運動,向有關當局投訴。

神奇嘅就係,當局喺簽名運動發起之後兩個鐘,就即刻投降!表示會立即將街燈截電,遲啲仲會拆走街燈。

唉,唔知香港嘅石屎山徑,當局又幾時會順應民意,會將佢哋還原呢?

資料來源:聯合新聞網

更多:
Fitz.hk Facebook專頁
[膠嘢公園] 曾小強:郊野石屎化的5大問題
[山友傳奇] 鵬哥失踪兩日的奇幻之旅
[郊野石屎化] 你揀木櫈定石屎櫈?[行山友剋星] 石屎山徑一條都嫌多
Fitz Hiking 行山

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。