[順應民意] 台灣合歡山 為保銀河拆街燈

台灣合歡山，因為遠離民居，光害甚少，加上高海拔嘅優點，成為台灣嘅觀星勝地。不過，佢哋最近一項建設，就搞到山友喊晒口面。

原來，當地政府見咁多市民上山睇星，就專登改善合歡山嘅道路設施，將上山嘅馬路兩旁，架設一支支嘅街燈，令駕車人士可以安全上山。

不過呢項建設隨即畀山友投訴「無嗰樣整嗰樣」。馬路嘅燈光，即刻成為光害，上到山星光無晒，只係睇到燈光！

山友即刻網上發起簽名運動，向有關當局投訴。

神奇嘅就係，當局喺簽名運動發起之後兩個鐘，就即刻投降！表示會立即將街燈截電，遲啲仲會拆走街燈。

唉，唔知香港嘅石屎山徑，當局又幾時會順應民意，會將佢哋還原呢？

資料來源：聯合新聞網

更多：
Fitz.hk Facebook專頁
[膠嘢公園] 曾小強：郊野石屎化的5大問題
[山友傳奇] 鵬哥失踪兩日的奇幻之旅
[郊野石屎化] 你揀木櫈定石屎櫈?[行山友剋星] 石屎山徑一條都嫌多
Fitz Hiking 行山