ViuTv節目《香港秘密搜查官》以「西貢結界」為題,搜查當年兩宗行山失踪事件: 2005年失踪休班警員丁利華,以及2016年失踪的張善鵬。節目攝製隊依照當年張善鵬分享的經歷,嘗試尋回「結界」所在地。

大蚊山位置

攝製隊連同山藝教練以及主持人,由鹿湖郊遊徑進入大蚊坑,並溯溪而上大蚊山。不過,經過幾個鐘同溪澗苦戰,因為山徑有山泥傾瀉,被逼「爆林」搵路。結果在摸黑情況下,被困5小時先可以走出石屎路,重回文明。

節目令人反思嘅地方,並唔係張善鵬迷路地方是否「結界」: 大蚊山方圓一公里範圍,環境錯踪複雜兼叢林密佈,的確容易令人迷失方向及失去時間概念;不過所謂「結界」,直接說明就是「行山黑點」,「搜查官」指出:

「西貢行山失踪事件,永遠係香港嘅不解之迷,但其實佢哋有個共通點,就係事發嘅時候,失踪嘅人都係得自己一個人。如果唔想結界吞噬你,就要搵多個人一齊行。」

行山活動有一定危險,視乎大家點樣準備,良好裝備,充足準備,以及結伴同行,就可將危險減至最低。

《香港秘密搜查官》足本重溫


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 香港秘密搜查官.攝製隊大蚊山迷路5粒鐘遇「西貢結界」?