小姊妹分段徒步麥理浩徑及港島徑，為無家者籌款

去年曾經完成70公里鳳凰徑嘅 Winnie Wheeler，今次同4歲妹妹 Josie 以分段方式，徒步完走100公里麥理浩徑及50公里港島徑，為關注無家者組織 關注無家者組織 ImpactHK 籌款。

舊年仲係5歲嘅 Winnie，成功為 ImpactHK 籌得超過$20,000善款。Winnie 話，完成籌款活動之後一星期，跟過呢個慈善組織為無家者做義務工作，佢覺得活動好有意義，當時已經決定要再行多次。就係咁，Winnie 喺今年繼續籌款活動。

呢次 Winnie 搵埋妹妹 Josie一齊行，路線亦加長咗，佢哋先完成港島徑50公里，然後再挑戰100公里麥理浩徑。Winnie 話:「我今年大過咗，所以行長啲絕對無問題。至於 Josie 雖然佢對腳短啲，有時會行得慢啲，不過我哋一齊行好開心，唔覺得辛苦。」

佢哋以分段方式周末徒步，Winnie 最難忘就係行到西貢大浪西灣要露宿，度過一個寧靜嘅晚上，當晚仲有幾隻野豬探佢哋。而家活動仍然進行中，大家可到籌款網頁支持兩姊妹。

圖片截自籌款網頁

資料: SCMP