5歲小妹妹 Winnie Wheeler，於過去嘅1月同2月，分階段完成70公里大嶼山鳳凰徑，成功為關注無家者組織 ImpactHK 籌得款項。
Winnie 經常同爸爸、家姐及表弟行山，由於家住大嶼山，所以對鳳凰徑一啲都唔陌生。爺爺見佢咁鍾意行山，就提議行山去籌募善款。
不過面對呢70公里路程，Winnie 年紀始終太細，只能分階段完成，有時佢仲搵埋朋友仔結伴同行。最後 Winnie 成功於上周末完成所有路程。而鳳凰徑梯級出名難行，Winnie 亦話佢行到腳仔痠痛。
Winnie 向記者表示，佢覺得自己好幸運有個美滿家庭，所以希望幫到一啲無家可歸嘅人。
呢次行動為一個關注無家者嘅組織 ImpactHK 籌款，至今已籌得超過30,000港元。籌款活動仍然繼續，大家可到 籌款網頁 繼續捐款。
圖片截自 Winnie的籌款網頁
資料: SCMP
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
