Fitz > 運動 Sports > 行山 Hiking > [毅行備戰2016] 路線分析: 第一段 北潭涌至大浪西灣

[毅行備戰2016] 路線分析- 第一段 北潭涌至大浪西灣_f備戰樂施毅行者,點少得介紹呢100公里嘅路線呢?2016年毅行者路線,無大改變。要改變嘅,一定係大家嘅毅力會再提升!

大家首先要注意嘅係,我呢個路線分析,主要針對30小時以外嘅毅行新手,希望大家可以喺無傷無痛,開開心心完成活動!

毅行備戰_分段
毅行者檢查站及關閉時間(圖片來源:樂施毅行者網站)

第一段:北潭涌至大浪西灣(起點 — CP1)

標距柱:M001-M030
距離:約15公里
官方補給:萬宜東壩有水站;大浪西灣會派樽裝水。
特點:初段沿萬宜水庫而走(約10Km),路況甚好而平坦;進入麥徑二段後主要係石屎山路;最後爬過西灣山到達大浪西灣。

樂施毅行者官方地圖:

注意事項:

  1. 萬宜水庫路長而平坦,可說是熱門練跑地點(來回一轉啱啱半馬),有人會按捺不住跑住過水壩,但必需要衡量自己能力。記住:你仲有九十幾公里要行,十幾個山要上。若目標時間唔係20個鐘內嘅超能者,呢段路最好用嚟放鬆心情,檢查下物資(唔夠嘢仲可以Call支援隊幫手),同埋調較好衣物鞋襪。

    條萬宜東壩咁闊咁直,但唔係超能者,都唔好諗喺度跑呀。
    條萬宜東壩咁闊咁直,但唔係超能者,都唔好諗喺度跑呀。
  2. 若因心情緊張,熱身不足,或衣服鞋履不舒適,而身體出現有任何不適(如肌肉痛、關節痛等問題),必須立即停下來將問題解決(如拉下筋、較下鞋帶)。千祈唔好勉強死撐,以為行一排會無事。問題唔解決嘅話將會持續,呢啲問題會成為你未來幾十個鐘嘅惡夢。(小問題如鞋帶縛唔緊,會引發水泡,到時你就知味道。)
  3. 初段往往人多擠逼,與其死衝爛衝爬頭,倒不如慢慢跟大隊,待有空間先過頭,以免浪費體力。

    東壩盡頭的補水站(並非檢查站)
    東壩盡頭的補水站(並非檢查站)
  4. 上西灣山為此段最困難路段。因為上山路段在中午後被太陽直接照射,加上地理環境令這裏沒有海風,悶熱異常。謹慎而行,緩步而上,反而可以做出好成績。
  5. 這段檢查設於大浪西灣,而不是麥徑第一段的終點。不過這對參加者沒太大影響。
  6. 這段要穿過浪茄沙灘,小心沙粒進入鞋中,有人會在腳穿上膠袋。

    上西灣山一段,邊隊操得足邊隊hea住行,未到山頂已有分曉。
    上西灣山一段,邊隊操得足邊隊hea住行,未到山頂已有分曉。

樂施毅行者官方網頁

更多:
Fitz.hk Facebook專頁
[毅行備戰2016] 7至10月的訓練計劃
[毅行備戰2016] 11件必須測試的裝備
[毅行備戰2016] 如何挑選你的隊友?
Fitz Hiking 行山


文章為作者意見,不代表Fitz立場。