綜合外電報道，香港人曾燕紅及佢嘅團隊，5月22日下午3時10分成功登上珠穆朗瑪峰，時間為25小時50分，打破「女性最快登頂」嘅健力士世界紀錄。
曾燕紅於當地時間星期六下午1時20分出發，至星期日下午3時10分成功登上8,848米珠穆朗瑪峰，所花時間為25小時50分。比2018年尼泊爾人 Phunjo Jhangmu Lama 創下嘅39小時6分快接近13小時。當地官員稱，曾燕紅嘅時間要待健力士世界紀錄確認，先可以列入「女性最快攻頂紀錄」。
呢次係44歲嘅曾燕紅第4次攀登珠峰，佢2014同15年因為天氣同地震而登頂失敗。2017年佢首次成功登頂，成為第一位登上珠峰嘅香港女性。2015年，尼泊爾大地震，曾燕紅團隊一行31人，五死多人受傷，曾燕紅被亂石擊中頭部，流咗一公升血，斷咗兩條肋骨，膝頭韌帶受傷，慶幸無大礙。
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
