兩名印度登山家 Narender Singh Yadav 同 Seema Rani Goswami，於2016年攀登珠穆朗瑪峰，落山後，佢哋向尼泊爾表示成功登頂，並展示有關相片，取得由尼泊爾政府發出登珠峰證書。
2020年8月，Narender Singh Yadav 更得到印度頒受獎項，表揚佢成功登上珠峰嘅壯舉。不過就喺呢個時候，有人向印度當局提出，兩人嘅登頂照係假圖，更指兩人根本未有登頂。有關指控近日正式定案，Narender Singh Yadav 同 Seema Rani Goswami 登頂相片證實為假圖:
- 相中嘅衣服太整齊乾淨，唔似行緊山
- 手上嘅旗幟顯示拍攝時無風，但呢個情況喺海拔八千幾米絕無可能
- 照片上嘅陰影唔一致
- 面罩沒有連接氧氣管
- 護目鏡無倒影
另一方面，尼泊爾當局亦展開調查，有當時護送佢哋嘅尼泊爾雪巴人指，距離山頂2,000英尺時，兩名印度人嘅氧氣已告用盡，要掉頭折返，所以佢兩個根本無上到山頂。
「照騙」被拆穿，印度方面當時收回獎項，而尼泊爾一方亦嚴懲二人，十年內禁止登上任何尼泊爾山峰。
資料: 紐約時報
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
