編按：跟進文章見 [沙螺洞跟進] 帶毒的油菜花
香港人好奇怪，鍾意排晒隊去金鐘睇假花。其實，賞花點解唔去郊外？呢兩日不斷有行山友報料，話沙螺洞嘅農田種滿油菜花，成為花田。
據行山友講，由於呢度村民希望更多人認識沙螺洞嘅農村風貌，就特意種咗呢啲油菜花，吸引多啲人去。而呢啲油菜花可以開到三、四月。不過，發展商嘅剷泥車又幾時會開到去呢？
注意嘅係，由大埔太和行去沙螺洞其實唔算難，需時一個鐘左右。至於踩單車入，就要考驗一下你嘅腳力同技術，因為條路一啲都唔易。
步行
路線：太和站 > 大埔頭 (接衛徑8段) > 沙螺洞 (留意分叉路轉右) > 鶴藪水塘
距離：7.8公里
需時：約2小時
單車路線：大埔市 > 沙螺洞村 > 三門仔 > 大美督
資料及部份相片來源：慢騎主義、香港初級行山之友、Marco Li
更多：
Fitz.hk Facebook專頁
[猴年行大運] 尋訪香港足跡 5條漫步路線
[猴年行大運] 5條精選短遊路線
Fitz Hiking 行山
>
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。
