Fitz > 運動 Sports > 行山 Hiking > [沙螺洞跟進] 帶毒的油菜花
圖片來源:Marco Li https://goo.gl/GiSJ5i
圖片來源:Marco Li https://goo.gl/GiSJ5i

山雞一篇《[賞花唔係去金鐘呀?] 沙螺洞油菜花田》,引咗唔少人話要呢個禮拜去沙螺洞一轉。不過,同一時間,又有網友講返呢個油菜花田其實唔係咁簡單。

借靚相畀我哋一用嘅Macro Li,就提醒我哋,「村民為左自己可以起屋 不惜破壞濕地 破壞香港瀕危物種 , 種植油菜花 吸引市民到場 騙取簽名支持反對 興建骨灰龕場 , 其實為左自己可以建屋」

見到咁樣,我即時追查落去,發覺長春社同世界自然基金會(WWF),一直都有監察沙螺洞嘅發展。其中WWF指出,沙螺洞為世界少有嘅山上濕地,長期維持物種嘅多樣性,當中包括68種蜻蜓(約佔全港7成,當中有新的品種及瀕臨絕種的品種)、 6種瀕臨絕種的蘭花、 香港20%淡水魚(包括稀有的「 白線紋胸鮡」淡水魚)、 27%的鳥類及25%的爬蟲類等。

有咁多物種,係因為呢度長期無做過任何發展(包括農耕)。但係由舊年12月,長春社發現該處嘅野草已盡毁,河道已被破壞。而有村民更承認會喺呢度開設農莊。

去年10月長春社拍攝的沙螺洞,到12月這片野草已消失。青蜓、螢火蟲睇怕已凶多吉少。
去年10月長春社拍攝的沙螺洞,到12月這片野草已消失。蜻蜓、螢火蟲睇怕已凶多吉少。

因於沙螺洞並非規劃於郊野公園範圍,所以任何發展喺法律皆不受約制。而如果喺呢度進行大規模耕作嘅話,呢度就會發生生態災難。

既然已經沙螺洞已經種咗一片油菜花田,大家行山路過去睇都未嘗不可。不過,就記住沙螺洞嘅生態係十分脆弱,油菜花可能係當地蜻蜒嘅催命符。

有關沙螺洞嘅保育文章,可參考:
長春社:《沙螺洞面對的威脅從未停止》(立場新聞)
WWF:《從沙螺洞遭破壞看城規條例的漏洞
蘋果日報:《沙螺洞濕地被抽乾 7,000平方米寸草不生

嘉道理農場內的野生吊鐘,現已開花。
嘉道理農場內的野生吊鐘,現已開花。

同場加映:要賞花,不如賞野花。呢棵就係細個嘅時候,過年仲有好多人插嘅吊鐘花。而近年,因為被過度斬伐,香港嘅野生吊鐘已經買少見少。據講西貢大枕蓋都有唔少,而嘉道理農場亦有專人打理嘅野生吊鐘。

更多:
Fitz.hk Facebook專頁
[猴年行大運] 尋訪香港足跡 5條漫步路線
[猴年行大運] 5條精選短遊路線
Fitz Hiking 行山