西貢半島嘅北面，有好幾個著名郊遊熱點，包括唔准露營嘅「赤徑」、山徑樞紐嘅「北潭凹」、來往新界東北外島嘅「黃石碼頭」，以及香港其中一個重要海岸保育區「海下灣」。不過，原來呢一帶係屬於大埔。
歷史遺下嘅痕跡
西貢北雖然處於西貢半島，但行政上屬於大埔區，範圍西至十四鄉、泥涌，東至高流灣，南至赤徑，北至海下，以及北面外島 (如塔門)。
上世紀80年代，政府以18區規劃全港行政區，西貢北一帶因為道路尚未完善，深涌、荔枝莊、榕樹澳等人口眾多村落，都要倚賴由大埔滘開出嘅渡輪進出，加上當地鄉委會亦隸屬大埔區，所以就順理成章劃入大埔區。
不過地理位置上，呢一帶當然屬於西貢，相信大家都唔會約去「大埔赤徑」露營嘅。
資料: 維基百科
去去，武器走！
