[郊野短聚] 元朗的忘憂谷南生圍

由

2015-12-27

Fitz > 運動 Sports > 行山 Hiking > [郊野短聚] 元朗的忘憂谷南生圍

[郊野短聚] 元朗的忘憂谷南生圍f 在大西北落地生根已有差不多十年，終有機會一遊元朗南生圍。從煩擾的元朗站下車，衝破那群地產代理的包圍後，不用一小時，已進入了一望無際的蘆葦林。

這時，聽到有位遊人向他的朋友說：「喂，你哋收聲啦，呢個時候唔好再講公事，停一停啦！」

係係係，大家停停，聽下雀仔叫聲好無？由元朗西鐵站行大概半小時，可到橫水渡渡頭，位位六蚊過河，大小同價。右邊遠處隻小船，就是過河的橫水渡。

路線：

基本上是一個大圈圈，這次我的路線是：
1. 元朗G2出口（東頭村出口）
2. 元朗舊墟路、山貝路
3. 搭橫水渡過山貝河
4. 抵達南生圍
5. 依大路／阡陌往前行，接上南生圍路
6. 沿路經博愛醫院側小商新村，返回元朗站

呢啲阡陌泥路，據講係由挖掘漁塘嘅泥舖成。而家漁塘生滿雜草，反而呢啲路仍好好保存。

全長：約8公里
需時：一家大細行，約2小時

這次行程最後要沿南生圍路走，沿路可觀賞錦田河一帶濕地雀鳥。全長約4公里，踩車練跑一流。