----- 廣告 Ad -----
杯靈雙渡一景山界流傳「行山考牌路線」,唔係要考到牌先畀你上山,所謂「考牌路線」,只係山友挑戰自己嘅活動。
行山考牌以挑戰為目標
據說於上世紀70年代,當時香港郊野公園初發展,唔少郊野地方仍未開發,山徑狀況、補給等情況不甚理想,於是成為山界高手挑戰目標。
----- 廣告 Ad -----
其中最大改變係八仙嶺。以前嘅「行山考牌路線」有所謂「八仙連走」,但隨衛奕信徑開放,八仙嶺各個山頭都舖設石屎路,「八仙連走」已唔算係好大挑戰了。
近年香港興起嘅行山熱潮,亦令「行山考牌路線」有所改變。好似話以前嘅「環湖」(環繞船灣淡水湖),再加入「出咀」(黃竹角咀鬼手岩)。狗牙嶺以前亦不屬「考牌」,近年「狗牙全走」已晉身考牌路線。
縱觀幾條考牌路,都離不開以下幾方面:
- 山徑狀況不良: 路線要行走碎石、懸崖等艱難地形
- 距離長
- 補給少,往往要負重徒步
- 交通不便,難以中途退出
** 以下呢4條行山考牌路線,係山界高手流傳嘅大挑戰,一般行山人士不宜嘗試。就算高手老手,亦要有良好規劃,搵好同伴,帶齊糧水裝備,揀個天氣好嘅日子,先好出發。**
----- 廣告 Ad -----
4大行山考牌路線
1. 一尖三咀過四灣
![](https://i0.wp.com/fitz.hk/wp-content/uploads/2020/12/人生下半場我換左班friend-4.jpg?resize=760%2C568&ssl=1)
圖: 孫立民
- 簡介: 西貢大浪灣高難度路線。「一尖」係蚺蛇尖;「三咀」係米粉咀、短咀、長咀;「四灣」係東灣、大灣、鹹田灣、大浪西灣。
- 行程: 北潭凹 > 蚺蛇尖 > 米粉咀、短咀、長咀 > 東灣、大灣、鹹田灣、大浪西灣 > 西灣亭
- 有咩難: 路況崎嶇,上下坡幅大,距離長,中途難以離開。
- 距離26公里,需時約12小時 (視乎當日天氣及參與人士體力狀態)
一尖三咀過四灣 路線圖 (只供參考)
2. 環湖出咀
![](https://i0.wp.com/fitz.hk/wp-content/uploads/2016/12/週末長程遠足-遠征紅石門-10.jpg?resize=760%2C507&ssl=1)
環湖徑上的觀音峒山脊,相當險要
- 簡介: 以船灣淡水湖郊遊為骨幹,再加黃竹角咀至鬼手岩一段路 (亦稱環湖出咀摸鬼手)
- 路線: 烏蛟騰> 馬頭峰> 赤馬頭> 雞仔峒> 大峒> 觀音峒> 石芽頭> 鹿湖峒> 跌死狗> 鳳凰笏頂> 白角山> 昂莊山> 大嶺> 黃竹角咀鬼手岩> 大嶺> 昂莊山> 白角山> 鳳凰笏頂> 鵝髻頂> 三門山> 長牌墩> 三門墩> 主壩> 大尾篤
- 有咩難: 以距離長,無補給聞名。加以山徑崎嶇,前往黃竹角咀一段山徑不甚明顯,容易迷路,夏天、新手絕對不宜。
- 距離31公里,需時約14小時 (視乎當日天氣及參與人士體力狀態)
![](https://i0.wp.com/fitz.hk/wp-content/uploads/2017/06/-我和鬼手有個約會f-e1548328490783.jpg?resize=760%2C423&ssl=1)
圖: 囉嗦大叔
環湖出咀 路線圖 (只供參考)
3. 三牙全走
![](https://i0.wp.com/fitz.hk/wp-content/uploads/2017/12/90後本土遊-中狗牙坑-虎吼石河-西狗牙嶺-45.jpg?resize=760%2C507&ssl=1)
圖: Kaihin
- 簡介: 較新晉考牌路線
- 路線: 石壁水塘 > 西狗牙 > 一線生機 > 東狗牙落 > 中狗牙上 > 一線生機 > 閰王壁 > 斬柴坳 > 昂坪
- 有咩難: 於險要嘅懸崖之間穿梭,考體力考膽色
- 注意: 近年熱門山徑,周末往往要排隊上山
- 距離13公里,需時約10小時 (視乎當日天氣及參與人士體力狀態)
![](https://i0.wp.com/fitz.hk/wp-content/uploads/2016/04/周末「不」短遊-遠征東狗牙f.jpg?resize=760%2C397&ssl=1)
圖: WL
三牙全走 路線圖 (只供參考)
4. 杯靈雙渡
![](https://i0.wp.com/fitz.hk/wp-content/uploads/2020/06/廢老的二次貢獻-2.png?resize=760%2C570&ssl=1)
靈雙渡「一線脊」
----- 廣告 Ad -----
- 簡介: 於月球表面嘅碎石山徑行足10公里,仲要上上落落
- 路線: 青山杯渡寺 > 青山山頂 > 良田㘭 > 乾山 > 一線脊 > 圓頭山 > 靈渡寺 > 廈村
- 有咩難: 考體力、考膽心、考耐性,仲途無樹蔭、無補給
- 注意: 圓頭山於2021年1月山火,路徑更難行
- 距離10公里,需時約8小時 (視乎當日天氣及參與人士體力狀態)
![](https://i0.wp.com/fitz.hk/wp-content/uploads/2017/02/重行人生-負重徒步杯靈雙渡3.jpg?resize=760%2C507&ssl=1)
圖: 阿寶@重行人生
杯靈雙渡 路線圖 (只供參考)
記住「行山要考牌」只係大家嘅玩笑,呢四條路線係高手對自己能力嘅挑戰已而,切勿當真以為要考牌。行山最開心都係喺自己能力以內,享受郊野之美。
Fitz 提提你
任何行山遠足活動,必須在出發前作出詳細規劃以及準備,擕帶充足及合適裝備,以及告知親友目的地及回程時間。制訂路線,更要量力而為,注意補水,切忌逞強冒進。可參考《[顧己及人] 山野遠足安全常識》