64歲周潤發可唔可以做「行山教練」?

由

2019-12-24

Fitz > 運動 Sports > 行山 Hiking > 64歲周潤發可唔可以做「行山教練」?

周潤發「發哥」可以話係山界吉祥物，大家行山都希望有機會遇到發哥，而發哥又通常好好人，來者不拒畀大家自拍一番。

呢一日，發哥對住記者又講行山，仲話電影市道低迷，佢話不如做「行山教練」。

行山教練係咪講就得做得? 我哋訪問咗「中國香港攀山及攀登總會」山藝委員會主席吳銨洋 (Ken sir)，問佢可以點樣做。

點知，Ken sir 劈頭第一句，就話:

「行山教練呢個稱呼，並唔係專業嘅正式名稱。所以，行山教練可以係自稱，你話自己係行山教練，又有人信，係絕對無問題!」不過，香港獲承認嘅資格，就係由「中國香港攀山及攀登總會」頒發嘅山藝教練證書。拎到呢個證書，就可以教授山藝訓練課程。

山藝教練要拾級而上

「山藝」(Mountain craft)，就是指在大自然的的生活技巧 (包括行山、遠足，以及露營)。由所穿著的衣服，背上身的裝備，野外的煮食，以至遇難求救都包含在內。想成一個合資格嘅山藝教練，需要一步一步進修:

「一級山藝訓練」及「二級山藝訓練」適合一般對行山、野外活動有興趣的朋友參加。課程包括基本的登山知識和技術，露營、夜行、繩結等。至於「三級山藝 (領袖) 訓練」著重山野活動的應變能力，通過考核者可稱「山藝領袖」，註冊後並持急救資格，便可帶領8人小組進行遠足或露營活動。

修畢「三級山藝 (領袖) 訓練」，學員可繼續進修「山藝助教訓練」。在助教訓練期間，累積足夠助教時數 (大概100小時)，再加上屬會推薦，就可以報讀「一級教練資格培訓」，開始接受山藝教練培訓了。

Ken sir 強調，雖然由新手至教練都有一個十分清楚的階梯，學員可以一步一步進修。但對於修畢時間，還有很多地方需要考慮:

一級、二級及三級山藝訓練，這三張證書大概需時1年。而且由「攀總」註冊山藝教練於民間機構開辦課程。所以只要肯花心機和時間，要完成這三張證書並不困難。
學員要擔任「山藝助教」有一定時數，並得到屬會推薦才可修讀「山藝教練」課程。就算可累積一定時數，就要待屬會的推薦。這在時間上很難說得準。
「山藝教練」課程因為只有「攀總」才能開辦，而教練培訓亦是不定期，亦有人數限制。假設你於2020年完成山藝助教，但這年只有二級山藝教練課程開辦，你這一年還未能可以開始修讀教練課程。

Ken sir 補充，由一級山藝起步至成為山藝教練，最少需要4至6年的時間。而且，課程沒有年齡限制，就算發哥用6年修讀所有課程。只要他覺得體力上許可，仍可以70歲之齡擔任「山藝教練」。

值得一提，就是「中國香港攀山及攀登總會」的山藝課程，已接受了 UIAA Mountain Qualification Label (MQL) 認證，將本地教學水準提升至國際水平，令參加學員接受到一套更高質、更有系統的課程。