Fitz > 運動 Sports > 行山 Hiking > [Fitz出戰毅行] 起步嘞! 係講多謝嘅時間

講多謝時間f2015年11月19日,樂施毅行者前夕,無論不斷有人話我似吟噚老豆,我都覺得自己講唔夠。總之,呢個時候仲諗緊有咩漏咗唔記得同大家講,不過點都好,我點都要抑壓一下,因為呢個時間係要同大家講多謝。

首先要多謝,就係各位支持我們Team Fitz嘅朋友,你哋身體力行,上到樂施會網頁,然後拎張信用卡出嚟,入一大輪嘢然後過數,呢個絕唔是一個隨便嘅舉動。大家嘅誠意我哋完全感受到。當然,亦有好多朋友畀cash、銀行過數等等方法捐款,我哋亦唔一一道謝,總之,我哋相當感激大家對Fitz的支持。你們嘅支持,令我哋呢呢100公里毅行之路走得更輕快。

當然,起步大家仍可以繼續透過Team Fitz的籌款連結,繼續捐助樂施會。(弱弱的問,好似仲可以爭奪一個籌款大獎話吓~~~)

Team Fitz 籌款網頁

每一位捐款朋友,無論有無顯示出嚟,我哋萬二分多謝你。而你哋嘅打氣說話,亦我哋繼續工作嘅動力。
每一位捐款朋友,無論有無顯示出嚟,我哋萬二分多謝你。而你哋嘅打氣說話,亦係我哋繼續工作嘅動力。

其次,就係要多謝贊助我哋裝備、服飾以及產品嘅贊助商。我哋組隊倉促,但幸好幾個品牌嘅負責人或宣傳部同事,都係爽快之人,大家合作得異常愉快。亦因為佢哋出手相助,令我哋有更完善嘅裝備。而部份品牌負責人,甚至係運動達人,更樂於同我分享種種運動心得,令Team Fitz喺準備更如虎添翼。

還有,就係毅行者出發後,會盡心盡力協助我哋嘅支援隊。佢哋當中有好多臥龍藏龍,有一個人可拉四個人上山嘅大隻佬,亦有嬌滴滴但健步如飛的小師妹……仲有一位,係我小朋友時候,被譽為香港單車王子嘅松哥洪松蔭。佢會喺CP 8荃錦坳加入Team Fitz支援隊,並會陪行(或跑)至終點衝線。

松哥已經全力投入長跑運動,仲越嚟越FIT,陪行Team Fitz肯肯定可以將步速帶快。
松哥已經全力投入長跑運動,仲越嚟越FIT,陪行Team Fitz肯肯定可以將步速帶快。

仲有,當然係四位出心出力出手出腳的Team Fitz成員。你哋各有各忙,夏威醫生醫務繁重、Bonnie要輪班工作、Daryl成日要開會度橋寫劇本、Law少有數之不盡的任務……在這麼緊迫的時間要來自江湖四海嘅人組隊參戰,簡直係「捱義氣」的最佳示範!你哋四位義氣仔女,我由衷嘅向大家三呼萬歲——萬歲!萬歲!萬歲!

而最後要多謝嘅,就係樂施會畀機會我哋成為媒體合作伙伴,令更多人有機會認識我哋Fitz.hk。

最後補充一下Team Fitz的出發,以及預計到達各支援點的時間:

起步:11月20日 上午11時
CP 3水浪窩:11月20日 下午8時30分
城門水塘:11月21日 早上5時
CP 8荃錦坳:11月21日 上午11時
終點:11月21日 下午5時

上述各支援點均有我們駐守,我們有幅小型banner以資識別,各位朋友遇到我們,可與我們相認,謝謝大家。

唔講又講,我哋Team Fitz隊伍編號係0402,大家星期五3點後,可以去呢度睇下我哋進度。

大家認住呢條banner,我哋會喺毅行各熱門支援點出現。
大家認住呢條banner,我哋會喺毅行各熱門支援點出現。

「行到邊,總有夥伴喺身邊」
“Side By Side, Together We Thrive”
Fitz全力支持樂施毅行者2015

#Fitz.hk為樂施毅行者2015媒體伙伴

更多:
[毅行速報] 10個路段 1次剖解
[毅行速報] 最完備的物資裝備清單
[毅行速報] 組織你嘅支援隊
[毅行速報] 最後的備戰階段
毅行者@Fitz.hk
Fitz Hiking 行山