香港嘅行山實景圖上線了!

科技進步,睇樓、揀家傭,都可以透過網絡用視像搞掂,行山搵路線又點解唔可以? 貴為網絡大神,Google 終於推出郊遊路線嘅實景 (Street View Treks),大家計劃行山路線,就可以更加了解山徑嘅狀況。

使用方法

將右下方嘅人仔放上你想搵嘅地方,出現藍線就有實景,出現藍色圈圈就係全景相片。

用法同喺 Google Map 睇街道實景一樣,都係將右下角個人仔放上去你想睇嘅地方,如果見到有藍線,就即係有實景。有啲路線未必有實景,但仍搵到由網友提供嘅風景圖片。

不過要注意,實景圖片未必可以完全反映實際情況。山徑狀況不時都有改動,大家只適宜用作參考。

由林村行上雞公嶺

連路牌都一清二楚,規劃路線又多一項依據。

製作背後:孭住18公斤單拖行勻全港

Google街景車作業員嘅標準配備,重18公斤,有15個鏡頭嘅全景相機。

Google Map 實景拍攝工作,全香港只得一人負責,佢就係何文豐 (Raf)。Raf 除咗要揸車行勻全港拍攝街道實景,呢三年來,佢亦孭住重18公斤 (36磅) 嘅全景攝影機,行遍香港嘅山徑,拍攝郊野實景。

何文豐貴為全港唯一一位Google街景車作業員,近來不時接受傳媒訪問。

令人好奇嘅係,Raf 做嘢閒晴哋都要孭住18公斤器材上山,如果放低佢哋,唔知可唔可以十零個鐘完走麥徑呢?


更多:
Fitz Facebook專頁
[漁護署制訂] 郊野公園內較高危地點
北潭涌 < > 萬宜水庫東壩 專線小巴 諮詢進行中
Fitz Hiking 行山


文章為作者意見,不代表Fitz立場。

歡迎投稿: https://fitz.hk/contribute/

廣告
朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。