香港嘅行山實景圖上線了!
科技進步，睇樓、揀家傭，都可以透過網絡用視像搞掂，行山搵路線又點解唔可以? 貴為網絡大神，Google 終於推出郊遊路線嘅實景 (Street View Treks)，大家計劃行山路線，就可以更加了解山徑嘅狀況。
使用方法
用法同喺 Google Map 睇街道實景一樣，都係將右下角個人仔放上去你想睇嘅地方，如果見到有藍線，就即係有實景。有啲路線未必有實景，但仍搵到由網友提供嘅風景圖片。
不過要注意，實景圖片未必可以完全反映實際情況。山徑狀況不時都有改動，大家只適宜用作參考。
由林村行上雞公嶺
製作背後：孭住18公斤單拖行勻全港
Google Map 實景拍攝工作，全香港只得一人負責，佢就係何文豐 (Raf)。Raf 除咗要揸車行勻全港拍攝街道實景，呢三年來，佢亦孭住重18公斤 (36磅) 嘅全景攝影機，行遍香港嘅山徑，拍攝郊野實景。
令人好奇嘅係，Raf 做嘢閒晴哋都要孭住18公斤器材上山，如果放低佢哋，唔知可唔可以十零個鐘完走麥徑呢?
Fitz Facebook專頁
[漁護署制訂] 郊野公園內較高危地點
北潭涌 < > 萬宜水庫東壩 專線小巴 諮詢進行中
Fitz Hiking 行山
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。
