電競隊老闆鍾培生,擺下擂台挑戰保險界KOL林作,本地拳擊運動突然受到不少關注。鍾培生對林作已成為全城熱話,最新消息: 比賽會注入更多娛樂元素。

《培生擂台: 無敵盃We Are Champs》

日期: 2021年9月18日 (星期六)
地點: 九龍灣國際展貿中心 StarHall
售票: 7月12日快達票公開發售
價錢: $1280至$2580 / VIP: $4800至$8800 / VVIP:$12800-$28800
直播: 拳賽同時會由鍾培生 Youtube 頻道中獨家直播予培生培心會員觀看

記者分足本重溫

拳手出賽詳情

鍾培生 vs 林作

大J Vs 張致恒

大J為香港著名Youtuber,訂閱人數接近100萬,一直玩開健身。至於張致恒係前男子組合Boyz成員,體重比大J重10公斤。

兩人都無拳賽經驗,可說係牙較之戰。而張致恒蝕底嘅地方,就係佢要於拳賽前大幅減磅,若果達唔到要求,會作棄權論。

Kathy Vs Ollie

Kathy 係模特兒,參加電視節目《造美人》並晉身總決賽。佢係拳擊初學者,每個禮拜練拳3、4日。至於 Ollie 屬電視台藝人,參與過《Error自肥企画》、《口罩小姐》等節目,之前無接觸過拳擊運動,會加緊訓練。

模特兒對女藝人,將成為賽事最強嘅 talking point,靚女打擊有一定吸引力。

高手場次

潘啟情 (職業拳擊運動員兼教練) vs 姚達輝 (職業拳擊及泰拳運動員兼教練)
吳景聰 (職業泰拳運動員兼教練) vs 李鑑任 (職業拳擊及泰拳運動員兼教練)
錢師傑 (九十年代拳王、現任泰拳教練) vs 李耀東 (八十年代拳王、現任泰拳教練)

擂台娛樂化屬好屬壞?

有人覺得上面幾位KOL、歌手、藝人上擂台比賽,屬純粹綽頭,會拖低拳擊賽事質素。不過,如果佢哋經過嚴格訓練,又未嚐唔可以打一場出色嘅比賽。

況且,主辦大會呢次亦會同時舉辦幾場拳擊冠軍賽事,對真正拳迷都有一定吸引力。

賽事發起人鍾培生

拳賽亦聯同 Bauhaus 推出專屬棒球褸及T恤出售,價格分別為$918及$380。拳賽更會推出香港首個拳賽彈幕環節,公眾只需購買兩件棒球褸,即可獲贈現場彈幕一次,分享自己訊息。


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 武術 Martial Arts > 《培生擂台: 無敵盃We Are Champs》: 拳擊賽事娛樂化冀吸引觀眾