運動這個詞，應該起源於有人類不再運動的時候，或者是工業革命，或者是電腦化的年代，因為從前的生存就包含運動。
從前的腿是用來走路、走佬或者走難，通通都同條命有關，馬拉松就係士兵為一個國家嘅命跑到無命嘅歷史。但世界變咗，變到就算有雙腳都「走唔甩」。
經常有人講十隻手指各比優劣的故事，而事實屁股跟雙腿一早就開始比賽，以現世去計，屁股稍稍勝出，因為它的地位已經高到可以裝個腦。
休息是為了走更長的路，坐喺度係為左繼續坐喺度，再壓住個腦，呢種狀況大家比我更熟，我唔詳述，反而想研究下，個腦喺對腳度會點？
----- 廣告 Ad -----
簡單講：我地會由呆坐派變成行動派
接觸得年青人多，最大嘅問題，唔係唔識諗，而係諗太多。諗完，下一步，又再諗諗，下一步，又再諗諗。所以個腦生喺屁股度的確影容得好貼切，因為諗完又坐喺度，又再諗，無離開過張櫈。
聖經有句說話：忍耐生老練，老練生盼望。
跑步就係咁嘅一回事，完成42.195km之前就學習痛楚、艱鉅、堅持，總的就是忍耐。由熱身、發揮、順暢、撞牆、透支、純意志，一次又一次變得老練
盼望喺渣打嘅定義就係，捐得出西隧就到架啦。
終點唔喺眼前，但是：忍耐生老練，老練生盼望。
如果個腦生喺對腳度，自然有盼望。
----- 廣告 Ad -----
羅馬書：
1 我們既因信稱義，就藉著我們的主耶穌基督得與神相和。
2 我們又藉著他，因信得進入現在所站的這恩典中，並且歡歡喜喜盼望神的榮耀。
3 不但如此，就是在患難中也是歡歡喜喜的。因為知道患難生忍耐，
4 忍耐生老練，老練生盼望，
5 盼望不至於羞恥，因為所賜給我們的聖靈將神的愛澆灌在我們心裡
Law少 許耀斌
人稱Law少，前電台主持及監製，酷愛體育運動，多次參加馬拉松及毅行者活
動，近年更嘗試進軍三鐵及渡海泳。對於跑步、對於行山、對於比賽，均有深刻而令人動容的看法。著有《原來在沒有盼望 的地方才需要盼望》。