圖: William提供

兩年,由3km走到sub-3

你話係咪癡? 你話係咪癡? 有睇開文都知我都好少講速度 (都無咩資格講),旨在長跑長有⋯⋯

但面對眼前呢個斯斯文文嘅社工朋友,唔寫以上標題都對唔住自己 (同佢)。認識 William 係喺幾年嘅精神復康活動,當時佢完全未玩長跑,而開始投入有兩大原因:

  1. 有次機構同強者曾小強做訪問,佢受到少少啟發
  2. 有次同朋友踢波又無乜狀態,可能覺得自己: 無速度、走得慢、唔夠快

William 就開始踏上跑步之路……

人容唔容易受到其他人啟發,我就唔知,但堅持同埋有好嘅夥伴先至係成功關鍵,因為要一個自細都係要「lur」先入到足球隊嘅人,又點會估到自己喺長跑路上會越戰越勇?


喺呢度必需要講講社福界嘅生態,因為唔同行業嘅人之能夠達成 sub-3 嘅目標,背後都有唔同嘅動力,William 或者喺睇到體制嘅一啲不能改變嘅地方,呢種情緒反而可以喺練習度好好發揮。只有一啲好重要嘅原因先會令人將工餘時間嘅一半以上都變成練習,就連休息都係練習一部分。

能夠有一個自主行動成為你生活基礎,咁先會有生命力,一種不斷追求嘅生命力。

圖: [email protected]

當然,香港人最想知都係點樣由3km走到sub-3,William 話由自己跑3km到去參加吳師傅嘅跑步訓練,開始1km interval 跑戰,大約係跑幾快唞幾耐嘅1:1比例開始,先挑戰嘅就係速度提昇,多過耐力考驗。

到食到十隻1km自然跑到10km,所以第一次跑10km成績係47分鐘,pacing 已經係4:42 一公里。時間係2017年尾,全馬之前其實無咩長距離賽經驗,只係跑過10k賽。

所以為咗備戰,自己安排了15km 賽, 2場半馬,作為mock,然後2018年1月21日渣馬半馬跑1:24。

2018年2月初馬,喺世界遺產姬路城馬拉松全馬成績係2:58:28,sub-3。2018夏秋,就多咗參加了山賽增強耐力。

圖: William提供

不過高強度練習都總會帶嚟受傷嘅隱憂,所以就無再增加1km interval嘅速度追求,到最近第67回勝田全國馬拉松大會成績係2:55 (2:50),賽事途中都覺得下背係有唔舒服,但反而會問自己點解唔睇吓自己可唔可以4分pacing捱到30km先,捱到就照去。

憑著呢份無邏輯嘅執著先可以再一次PB。

佢見到練跑嘅師兄可以一個星期練兩晚interval,可以每星期練過百km,佢慶幸自己每星期70km,都出到成績。

或者 William 好快透過有效嘅練習將個成績推到近乎極限,直頭好似功夫入面周星馳俾人打到全身散哂先知自己係骨格精奇,但係佢依然無放手。

佢依然希望透過練習,PB到一秒就一秒。

原因? 或者係無原因。

圖: [email protected]運動筆記hk

或者係好似佢身邊一個足球教練咁,佢嘅工作就係以學無止境,永遠進步咁去外地觀摩、訓練、實踐,一天有能力一天都突破下去

P.S. 每一位認真嘅跑者都具有影響力,雖然佢太太跟唔到佢速度,一樣都已經培養咗跑步習慣,因為跑步所流嘅汗真係會發光架。

圖: EC [email protected]運動筆記hk

Fitz連結: https://fitz.hk/?p=114818


更多:
Fitz Facebook專頁
[完跑西隧的渣馬後感] 搞錯了十年,練習不是Prepare for the best
[藝人與山] Nowhere Boys主音Van Band友+建築師+山友 三合一
C AllStar安仔的毅行初歌
[富士山馬拉松PB Sub-4報告] 或許 我的夢想是做Pacer
[Law少 許耀斌] 努力嘅辛苦係一時 努力嘅成果係一世 (2018感恩文)


文章為作者意見,不代表Fitz立場。

歡迎投稿: https://fitz.hk/contribute/

廣告
Law少 許耀斌
人稱Law少,前電台主持及監製,酷愛體育運動,多次參加馬拉松及毅行者活 動,近年更嘗試進軍三鐵及渡海泳。對於跑步、對於行山、對於比賽,均有深刻而令人動容的看法。著有《原來在沒有盼望 的地方才需要盼望》。