弓削田真理子

2021年大阪女子馬拉松,賽前焦點係劍指日本女子馬拉松紀錄嘅一山麻緒,以及為佢破風嘅川內優輝。最後,一山挑戰失敗,只能跑出2:21:11,與日本紀錄相差2分鐘,但仍然刷新大會紀錄。另一邊廂,史上第一位女子60歲以上 Sub-3 跑手弓削田真理子 (Mariko Yugeta) ,就於同一賽道跑出2:52:13,以第48名過終點,並創下W60組別世界紀錄。舊紀錄2:56:54,同由弓削田真理子保持,所以今次佢快咗足足超過4分鐘。

呢場係今年62歲嘅真理子,第109場全馬賽事,佢話大阪馬拉松呢種「閉門式倉鼠跑」,過程相當辛苦。好彩佢一向keep住最強訓練模式,夏天每個月可以跑800公里,加埋每個月一個全馬賽事,令佢長期維持最佳狀態,更話應該可以再跑快啲。

弓削田真理子係崎玉縣一間眼科醫院嘅跑手 (圖為2019年)

弓削田真理子下個目標,將會係3月舉行嘅名古屋女子馬拉松,佢希望可以跑到2:50,再破世界紀錄。有關真理子さん更多故事,可睇《六十一歲的十三妹》。

資料: Sans Po

首頁 > 運動 Sports > 跑步 Running > 大阪女子馬拉松2021 62歲弓削田真理子刷新W60世界紀錄