日yen低水，人人都話去日本鳩嗚，不過鍾意做運動嘅你，又會唔會覺得咁樣做好頹？去商場練跑兼買嘢，又會唔會令你好過啲？
大阪森之宮嘅Q’s Mall，啱啱喺四月底開幕。佢哋嘅賣點，係聲稱結合運動同購物。成個商場最大特色，係有一條300米嘅三線跑道，跑道設於屋頂，成為該地地標。此外，天台內亦有小型足球場、游泳池、健身室等。
值得留意嘅係，呢條露天跑道以及足球場都係對外開放，就算唔去買嘢，佢哋亦歡迎去跑番幾圈。一齊睇下日本行咗一圈自拍嘅片：
Morinomiya Q’s Mall
地址：大阪府大阪市中央区森ノ宮中央二丁目1番70号
交通：地鐵中央線，森之宮站步行約1分鐘；JR環状線 森之宮站步行約３分鐘
資料：jandan.net
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」